15 Keeke fa lay fa mbooru faa deyeena o jaɓ oo: Kiristaa Yeesu kaa gar na adna fee, ndax ta mucil baabakaad we, mi fa xoox es, um ref oxe moƴna faaxaƭar na den.
mi fee andoona yee yaaga, kaam reeƭu oxaa na wenan, ñagadilaa we ngimna no ten, ref o kiin fo’oy. Kaa koy, daawaam yirmande, yaam kaa and’iim ke um fi’aa, took o ñak o ngim.
Oxuu genna no fi’aa bakaad, no ƈiƴ oxe a fogu, yaam o ƈiƴ oxe kaa bakaadaa, yaa fo mberaandoong naa boo ndiik. O Ƥeenqe Roog koy, a feeña ndax ta yaq calel ke no ƈiƴ oxe.
Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.
Cinj kaaga, malaaka fee a layaxam ee: «Fa lay feeke ndigil kak oo, too a dey o jaɓel. Maaga, o Yaal oxe Roog fee na ɓekaa duleer we Yiif um, a luliida malaaka um, ndax ta lal dag we Roog ke warna o xew no miñeer.»
Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.
Fa lay feene fa lay fa mbooru yoo. Bugaam o jangin keene, ndax we ngimna na Roog a njofnoox na pi a paax. Keene o mat refu ke faaxna, too a jeg o njiriiñ no wiin we.
Maaga, oxe moof’ina no gamb no maad le a laya yee: «Ndiiki koy, xam fi’atin fop ta ref qas.» Cinj kaaga, a layaxam ee: «Bindi kene, yaam fa lay es ndigil kak oo, too a jare o hooloox.»
«Mbootooxyo o nqeef o leng na xa teɓandoong axene. Mexe layaa a nuun ee: Waxtu fuu refna malaaka kaa den ndefna kam asamaan kaa nga’aa a tagid Faap es fee na asamaan. [
Ye da nanna kaaga, a naangayo cel, a simataa a Roog, a lay ee: «Yaaga boog, Roog kaa ci we ndefeerna Yaawuur, da mbes pakaad den a cinj, ndax da njeg o ñoow ole.»
ndax o wetandoox ke faafna, soo sed ɓot, ndax yaƥatkatiro o don of yaam gaci of yaa um waasankang fop ke fi’oona. Mi o Yaal oxe na refkaa boo faw layun.»