1 Timote 1:14 - NQAARIIT NE ROOG

¹⁴ Yirmande fee no Yaal oxe a moƴa o siw koy, too daawaam o ngim onqe fo o mbeq onqe ndefna na Kiristaa Yeesu.

1 Timote 1:14 Referans Kwoze

2 Timote 1:13

Gingli no yiif of a ƭelem a ñoow ake daawtoona na mi, geekit a den fo o ngim fo o mbeq onqe refna na Kiristaa Yeesu.

1 Korint 15:10

Yirmande Roog soom taxu um ref ke refuuma xaye, too yirmande um fa mi yenee na ngas, yaam kaam daar, hupiɗ a den jale. Wariim o lay sax ee mi jalu, ndaa yirmande fee Roog a dalinna a ndeer es fo ten.

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu

O leetar ole Pool a bindna GIMU WE NGENNA ROM 16:20

Roog fee na ci’taa jam, xan a duguñ a Saytaane ɗuga a caf nuun no miñeer. Yaasam yirmande fee no Yaal in Yeesu a ref fa nuun.

1Saŋ 4:10

Mene o mbeq onqeene a refu: Refee yee in mbexu a Roog, ndaa Roog o mat fexu a in boo a luliid o Ƥeem, ndax ta ref sadax faa na ñufaa a qaw ale Roog no pakaad ke in.

1 Tesalonik 1:3

I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.

2 Korint 8:9

Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.

A sutax ale 34:6

Maaga, o Yaal oxe a joonaan, a falalooxahin ee: «Mi yoo, mi o Yaal oxe refna Roog fa mayu yirmande, laabiir, muñantaa, may fo o paaxel soo gore.

Mbeeñil 22:21

Yaasam yirmande fee no Yaal oxe Yeesu a ref fo fop.

1 Tesalonik 5:8

Fat i mbod no ke i mbi’aa, in we ndefna na qoolaand ale. Fat ndoki njelem in a ref o ngim fo o mbeq, soo o maxanda njelem in a ref i yaakaaraa a muc ale.

A pi ake 15:11

Yaag oo toox de, ne i ngimitna yee na yirmande fee no Yaal oxe Yeesu i muctu, neene a muctu den itam.»

1 Korint 3:10

Mi o mat, kaa Roog a yirmaam, um doon fer le nen o taatabax tigi. Ndiiki koy, o lakas a gara, a max ke yoqna. Oxe na maxaa ke yoqna koy, a wara o wootoox, a haan no ne ta maxtaa.

2 Korint 4:15

Keene fop xan a jeg yaam nuun, ndax yirmande fee Roog a moƴ o siw took no moƴ-o-jaak ole no wiin we, ndax ta riñ a den da ngidmaa a Roog yaam o ndam um.

Galati 1:13

Nu anda a paax sax ke reeƭna jiko es na ƭat ale no Yaawuur we fo ne ñagadiltooguuma mbokatax ne no gimu we Roog, too ɗoftan o yaq.

1 Timote 2:15

Kaa koy, xan a muc na pexey o ƥiy onqe reefandteena no ten. Yaqanee koy, a wara o saƭik no ngim onqe, a yelef, a saq o mbeq, a gen no tedel.

1 Timote 4:12

Ba o leng a yaftong ndeƥandoong. Fat o ref o ɗeendoor no we ngimna, ta ref na fa lay of mbaat no ñoowooƭ of mbaat no mbeq of mbaat no ngim of mbaat no qoolel of.

1 Timote 6:11

Wo o mat, wo fee refna o kiin Roog, ƴufi keene. Waaƭki maa o cofel a farna, ten fo o reef a Roog fo o ngim fo o mbeq fo o muñ fo o ɓuuɓ.

2 Timote 2:22

Yufi a yuxum ake ndeƥandoong a ɓekaa o kiin, waaƭ o cofel fo o ngim fo o mbeq fo jam, wo fo we na ne’aa gon no Yaal oxe fo xeeñ xoolu.

Tiit 2:2

Jangni a koorgi ke da ƥuuɓ, a njar o niwel, a mbod na pi den, a saq o ngim o nqoolu, a njeg o mbeq, a ndef wiin muñu.

Mace 20:9

We ngar’ina no njeeƈ mudu naa a cooxe oxuu refna o xanjar o leng.