1 Timote 1:11 - NQAARIIT NE ROOG

¹¹ A cangin aleene koy, kaa inoor no Yegil mbaax ne doxneema, too ta feeñlaa o ndam onqe Roog fee helna simatel.

1 Timote 1:11 Referans Kwoze

Galati 2:7

A nga’a sax ee kaam doxnel Yegil mbaax ne, ndax um waare’in we nqucooxeerna yaam Roog, ta ref we ndefeerna Yaawuur, ne Piyeer fa xoox um a doxniteena o ten yaam we nqucooxna, ta ref Yaawuur we.

Tiit 1:3

Ye hap fee a fadna, Roog o Muumucil in a feeñla fa lay um no Yegil mbaax ne ta doxnaxama soo a heblaam ndax um waare’in.

1 Timote 6:15

Yaa hap fee a fadna rek, Roog a ɓisiidkan. Roog feene refu o leng kut oxe jegna katil, a hel o simatel, a ref o Maad oxe no maad we fo o Yaal oxe no yaal we.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

O leetar ole Pool a bindna GIMU WE NGENNA ROM 2:16

Neene a refitkaa na bes fee Roog a hate’kaa na pexey Kiristaa Yeesu a pi a ƭasne ke no wiin we. Keene refu ke Yegil mbaax ne doxneema a layna.

2 Timote 2:2

Ke nantoona na mi mbaambir seede mayu, doxneen wiin gore’u waa na mbaagkan o njangin lakas.

2 Timote 1:14

Geeki paax ke doxnee’oona, no ndimle nqe no Yiif Tedu le genna na in.

2 Timote 1:11

Yegil mbaax neene koy taxu um dodel o baawaare fo apootar fo o caajangin.

1 Timote 6:20

Koo Timote, geeki ke doxnee’oona, too wootoox fa lay fa ngoɓong faa guutatirna fo o ngim onqe. Wootooxi itam qasir ke inoorna no ke na xoyeel o and ole, too refiran.

1 Timote 2:7

Ten taxu itam, um doonel o baawaare fo apootar – ndigil kak um layaa, too maaɓiim no dara – kaam doxnel o jangnaa we ndefeerna Yaawuur, ke refna o ngim fo ndigil.

1 Tesalonik 2:4

Kaa koy, Roog kaa ɗeet a in soom nen waa ngatilna Yegil mbaax ne, soo a doxnin a in. Refee yee kaa i layaa, ndax i mbel wiin we, ndaa Roog fee na horooxaa a qeeñ in.

Kolos 1:25

Kaam doonel jalanan, ta ref a ref ke taxna Roog a doonaam a ndeer nuun, ndax um yegnit fa lay fee Roog ta dey sik.

Efees 3:10

Kaa koy, ndiiki, na pexey o fog ole no gimu we, kelfa ke fo sañ-sañ ke ndeer asamaan fa lanq a mbaaga o and o jeg-yiif ole Roog.

Efees 2:7

Kaa fi keene, ndax ta lalit no camaane ke na ngaraa fop halal fa njegee hap fee na yirmande um. Roog kaa laltin, ye ta feeñlaa a in, in we ngimna, o paaxel um na Kiristaa Yeesu.

Efees 1:12

Fat i simat boog o magnel ole Roog, in Yaawuur we ndoonna yaakaar in na Kiristaa yaaga garafulee.

Efees 1:6

Yaaga boog, fat i simat a Roog yaam yirmande um fee ta ci’na a in no fud o letu no Ƥeem onqe ta fexna fex.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

1 Korint 9:17

Um naagangaa o fi’an fo o fud o letu, xam jeg ndabid es, ndaa boo andoona yee a fel feƭar um fi’in, o sas a refkataa, nen suf naa Roog a gadnaxama.

YEGIL MBAAX NE YEESU ne Lik a bindtuuna 2:14

«Tedaanga a hela Roog took asamaan fa jam na adna, took no wiin we ta fexna.»

A kim a tedu ke 138:2

Kaam gungaa no Ngenand tedu ne wo, gidmang yaam o mbeq of fo ngor of, yaam fadniro a tegit of soom, day teen, ndaa fi’aa kupu ke i cungoogna na wo sax.