1 Timote 1:10 - NQAARIIT NE ROOG

¹⁰ Weeke itam a mboga teen: We na seeqaa, goor we na mbesanraa a ndeer den, we na ngignaa xa teɓandoong, maamaaɓ we fo we na seede’aa na xa maaƥ. Fop ke guutatirna fo a cangin a ñoow ale a foga teen.

1 Timote 1:10 Referans Kwoze

A paɗax ale 18:22

Wariro o wondoox fo o koor ne o tew a wondoorteel. Kaaga a pi a cednooxu yoo.

2 Timote 4:3

Xan a jeg jamaane faa a ƭat no wiin we a yongkateerna na cangin a ñoow ale. Yaam ne a yuxum den a adinkaa a den, da saakaa pel, a mbaaƭaa jaajangin fagkatar waa na mbugko layanaa a den ke nof den a ndiiraa.

O leetar ole Pool a bindna GIMU WE NGENNA ROM 1:26

Ten taxu Roog a xaƴ a den na yuxum a sednooxu boo ta tax rew we a mbaas gor den, a mbesanraa a ndeer den.

Mbeeñil 21:27

Kaa koy, qoolaƭaru leng mbaat o kiin oxaa na fi’aa cednooxu mbaat oxaa na maaɓaa rokkee na teeru feene. We a kon den a mbindeena no safe le no ñoow ole o Mbaal onqe a jegna rek na ndokkaa teen.

1 Timote 6:3

A soƥangaa yee kaa jeg oxaa na jangnaa kaa refeerna ndigil, soo a fañ o dam na ƭelem a ñoow ake no Yaal in Yeesu Kiristaa, a fañ itam ke na jangneel no reef a Roog,

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

Tiit 1:9

A wara o ref oxaa na reeftaa fa lay fa mbooru fee Roog ne ta jangniteena, ndax ta waag o umbit o ngim no lakas we a cangin a ñoow ale, a maafaa fa lay no we na ƥanjaa a cangin aleene.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Hebre 13:4

Fat fop a niw ndolnir ne, we ngiɓoorna no ndolnir ne a njeg ngor a ndeer den, yaam xan Roog a hate a cuut ake fo we na seeqaa.

A paɗax ale 20:13

Boo o koor a wondooxna fo o koor o kend um ne o tew a wondoorteel, den ɗik fop a mbi’a o njombe. Fat a mbarel, yaam a jaga fa den.

Mbeeñil 22:15

Kaa koy, we na mbi’aa cednooxu fo fan we fo we na seeqaa fo waawar we fo juujuur we fo fop we mbexna o maaɓaa na fa lay fo na pi, o leng na den rokkee na teeru fee muk.

2 Timote 1:13

Gingli no yiif of a ƭelem a ñoow ake daawtoona na mi, geekit a den fo o ngim fo o mbeq onqe refna na Kiristaa Yeesu.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

A sutax ale 21:16

Oxuu guuɗna o kiin boo a jikooxin mbaat ta geekin, kaa warel o war.

Mberaand 19:5

A nqoya a Lot, a layin ee: «Taa goor we mbe’iidna no mbind of? Sutiidi a den, boo i mbi a den nen rew.»

Tiit 1:13

A ƭelem akeene ndigil kak oo. Ten taxu xasani a den fa doole, da mbaag o njegik o ngim o nqoolu.

A sutax ale 20:7

Ŋasitkiro gon le no Yaal oxe Roog of, yaam o Yaal oxe ñakkee o xaw oxe na ŋastaa gon um.

Mbeeñil 18:13

A njikooxooga kanel fo safnir lakas fo qeeñe-xeeñe fa miir fo cuuraay. Biiñ fa diwliin fo mbiɗel fa bele fo qoox fo paal fo pis fo a sareet bo no faɗ, ndefna wiin ñoow sax, a njega.

Sakari 8:17

Ba o leng a yuuɓan o kend um paaxeer! Ba nu mbex o ndaaɓooxaa na xa maaƥ, yaam keene fop kaa ndef tig kaa sibuuma! Mi o Yaal oxe layun.»

Hoose 10:4

Maad we den xa koɓong a layaa, a ndaaɓooxaa na xa maaƥ, a ndalnaa kiɓoor, a pi o cofel, da mbi’in o ndoxom kam a cur ake na xa qol axe.

A cangatin ale 24:7

«Boo o Ii-isra’el a guuɗna o leng no fog um soo a fi’kin o paɗ mbaat ta jikookin, fat a warel. Neene, xan nu mbatin paaxeer ke a ndeer nuun.»

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Sakari 5:4

Xam woktin, ndax ta rok no mbind no kuuɗ oxe fo no mbind no xe na daaɓoortaa gon es na xa maaƥ, a gen teen soo a yaqin pic boo na qanq ake ten fo a ƥil ake ten. Mi o Yaal oxe Hupna fop layun.»

Mberaand 40:15

yaam kaam ɓistiidel no saax laa no Hebre waa took o hup doole, too meeke refuuma sax fi’iim dara kaa jarna o wegel.»

Mberaand 37:27

Ngaryo i njikooxin Ii-isma’el we, ndaa ba i mbartin xa ƥay in, yaam o ndeɓ in a refu, i mbog fo’oy fo leng kut ole!» Fog faap we ten a nan-gilooxaan, too a njaɓa ke ta layna.

1 Timote 4:6

Boo layoona fog we keene fop, xan o ref o caajal o paax na Kiristaa Yeesu, o caajal oxaa na ñoowtaa fa lay fee no ngim onqe, refna a cangin a paax ale o reefaa.