Ba nu ƭap yaa fa hate, mbañ o mbarit o leng no kate nuun, too ba nu njaɓ o neexleel muk, yaam neexil ke kaa mbuulnaa a kid ake no yaal-o-and we soo a yaqaa fa lay fee no jofu we.
No fex xaaliis, paaxeer kuu ndefna a ngataa. A jega koy waa andoona yee owaa njegan, a ngoƭ o ngim onqe, soo a yenan a qoox den no coono kaa o leng a saɗeerna o ga.
Jili ndeer xeet fee fop wiin deyu waa saɗarna a Roog, a saɗ ndigil, a mbañ oxaa gerna a den. No wiin juni wuu ndefna fo no wiin teemeed wuu ndefna fo no wiin qarɓeen ƥetik wuu ndefna fo no wiin xarɓaxay wuu ndefna, dodi o leng no weene jiloona, ta adooxan a den.
Ten refu oxe na ñaaƴaa no cofel too a layaa ke refna a ƭat, a fañaa xaaliis fee jaɓteena o hup doole, a ŋook xa ƥay um, ndax dekkee nger, a sux nof um no we na sooban na pi a yednu, too ɗeetitkee paaxeer leng o ngid-o-nqoloos.
A ɓaatooga teen ee: «He, boo reeƭuuma o kaahate kam saax lene, yaaga we na ñoxoreel fop mbaat da ndaawreel a ngarkooga me mi, soo um ɓoxot a den wargal den.»
too an andu, ndax o cegu yiif a refkaa mbaat fanxoy? Yaag oo toox de, o ten na hame’kaa ke ŋus-ŋusnuuma fop ɗuga njeeƈ ne, a jiriiñoorit teen o jeg-yiif es! Keene kasaara a refahinu.
Cinj kaaga, xam dalnan a xoox es o saasadax oxaa na damooxkaa na mi, a ñaaƴaa no bug es. Xam ci’in xa taan axaa na ndefkaa saasadax boo kili mbaambir oxe um ɗuumkaa.
Ndiiki koy, xan o maad oxe a adooxan a nuun, yaam mi kaam nogoyat lool, fuum, too xa ƥees maak jiŋ a ndefu nen a nuun. Ɗoxaam a nuun no kaa xotitna no ndeƥandoong es boo no ñaal roog ne xaye.
Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.
Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»