1 Sami’el 8:1 - NQAARIIT NE ROOG

¹ Ye Sami’el a nogoyna, a dalna xa ƥeem da ƭoxaa xeet fee Isra’el.

1 Sami’el 8:1 Referans Kwoze

1 Timote 5:21

Mexe gaañtang kene mbaambir Roog fo mbaambir Kiristaa Yeesu fo mbaambir malaaka tedu ke: Ngela horooxi keene. Fat o fañ o lay dara yaa ga’afuleeroona tig, too ba o farit o leng itam.

Nehemi 7:2

Doonaam a Yeerusaleem na xa ƥay Hanani fee o pog es fo na xa ƥay Hananiya fee adooxanna saŋe ne. We nand’ina fa Hananiya no ngor fo no saɗar a Roog mayee.

Haahate we 12:14

A jeg’a xa ƥiy xa koor qarɓeen nahik fo xa taan xa koor qarɓeen tadik axaa ŋaayoogna xa paam qarɓeen ɓetuu ƭik. Abdon a reeƭa o kaahate kam Isra’el boo xa kiid ɓetaa tadaq.

Haahate we 10:4

A jeg’a xa ƥiy xa koor qarɓeen tadik axaa ŋaayoogna xa paam qarɓeen tadik soo a njeg teeru qarɓeen tadik kam o jegel olaa Galaad. Teeru keene kaa maad o nqoyeel boo xaye xa taland axe Ya’iir.

Haahate we 5:10

Nuun we na ŋaayaa xa paam xa tew xa tan, nuun we na moofaa na xa sar, nuun we na ñaaƴaa na ƭat ake, yegniteenoo!

1 Sami’el 12:2

Ndiiki koy, xan o maad oxe a adooxan a nuun, yaam mi kaam nogoyat lool, fuum, too xa ƥees maak jiŋ a ndefu nen a nuun. Ɗoxaam a nuun no kaa xotitna no ndeƥandoong es boo no ñaal roog ne xaye.