Biblia Todo Logo
Bib sou entènèt

- Piblisite -




1 Sami’el 7:3 - NQAARIIT NE ROOG

3 Naaga, Sami’el a laya Ii-isra’el we fop ee: «A soƥangaa yee fo a qeeñ nuun fop nu nomtoortiidaa me no Yaal oxe, ndeɓyo roog can ke nu mbaɗooxaa fo xa taaƴ axe Astarte, soo ndam no Yaal oxe fo a qeeñ nuun fop too mbaɗooxan ten doŋ. Neene, xan a mucil a nuun na xa ƥay no Fiifilista we.»

Gade chapit la Kopi




1 Sami’el 7:3
40 Referans Kwoze  

Yeesu a doonaan ee: «A binde yee: ‹O Yaal oxe Roog of soom waro faɗoox too dagooxan.› »


ba nu nan-giloox fa lay um. Fat nu and ee o Yaal oxe Roog nuun na ɗeetloortan a nuun boo a and, ndax nu mbexaan na qeeñ nuun fop fo na xa laaw nuun fop.


Maaga, Yeesu a layaan ee: «Saytaane, goƭaam! Yaam a binde yee: ‹O Yaal oxe Roog of soom waro faɗoox too dagooxan.› »


Fat nu saɗar o Yaal oxe Roog nuun, mbaɗooxan ten doŋ soo ndaaɓooxaa no gon um soom.


Fat o soxodu xe a waas a ƭat um, o piifi paaxeer oxe a supit a qalaat um. Fat a ngeleeroox farna fo o Yaal oxe na yirimkaa a den, a njaɓnoox na Roog in fee na waasantaa boo ta dey sik.


Ndiiki koy, saɗaryo o Yaal oxe too mbaɗooxin fo o ñak sik fo ngor. Mbatinyo roog ke daan nuun a mbaɗooxoogna, ye da ndefaa kaltaa Ofrat fo no saax laa Misira, soo mbaɗoox o Yaal oxe doŋ.


Maaga, Yosuwe a laya a den ee: «Yaaga boog mbatinyo roog lakas ke ndefna a ndeer nuun soo a qeeñ nuun fop a njagin no Yaal oxe Roog fee Isra’el.»


Roog Yiif oo, too we na mbaɗooxan, yiif fo ndigil a mbarun o mbaɗoortaa.»


Fat nu saɗar o Yaal oxe Roog nuun, mbaɗooxan, ndamoox no ten soo ndaaɓooxaa no gon um.


a nomtooxiidangaa me wo na qeeñ den fop fo na xa laaw den fop too a nqeɗtangaang kam saax le no fañ den we na ndamkaa a den mbaƭ, a mbaambir fo saax le ci’oona daan den fa teeru fee jiloona fo Mbind ne maxuuma no gon of,


«O leng waagee o dagoox yaal ɗik, yaam yaaga xan a fex oxene soo a fañ oxaana, mbaat ta damoox no xene soo a sib oxe yoqna. Nu mbaagee ndagooxaa a Roog, soo mbug o ndagoox Xaaliis.»


‹Xeet fene xa ton den soom a niwtaxam, ndaa a qeeñ den kaa ngoƭaam.


Ii-isra’el we a mbi’ahina kaa faaxeerna na kid no Yaal oxe: Kaa mbaɗooxoogu a Baaliin, Astarteyiin fo roog ke no Aa-araam we, ke no Siisidoŋ we, ke no Moomowaab we, ke no Aa-amon we fo ke no Fiifilista we. A mbaasa o Yaal oxe, a mbañatin o ndagoox.


Ndiiki koy, aqatooxyo o mbaaƭ o Yaal oxe Roog nuun na qeeñ nuun fop fo na xa laaw nuun fop. Inooxyo maxan o Yaal oxe Roog Mbind, ndax arka ne no ngiɓoor ne no Yaal oxe fo tig oo tig tedu ke Roog a ƥekel no Mbind ne na maxkeel no gon le no Yaal oxe.»


Yakoob a laya ƥasil um fo waa ndeeƭna fo ten fop ee: «Mbatinyo roog can ke a ndeer nuun, nqoolandoox soo supit tikoorik.


Mbaasyo a pi a paaxeer ake nuun, supit a qeeñ ake nuun fo a yiif ake nuun. Nuun mbind Isra’el, xar taxu nu mbug o nqon?


Wo Salomo fee o ƥees koy, andi a Roog fee na faap of too dagoortin xeeñ letu fo yiif jagandooxu, yaam o Yaal oxe kaa ɓaalaa a qeeñ ake fop, soo a jaqtaa a qalaat ake fop. O waaƭangaan, xan a ga’nooxong, ndaa o xaƴangaan xan a deɓong boo kili.


O kiin oxe kaa liiƥaa, ndaa o Yaal oxe na ɗegaa.


Yaag oo toox de a maada o jegaa kaa faaxna na wo yaam moocandaa no saax of xa taaƴ xa lupe xe Asera soo waaƭ o Yaal oxe no xeeñ of fop.»


Maaga, Ii-isra’el we a mbatna roog can ke a ndeer den soo a ndagooxataa o Yaal oxe waag’ateerna o muñ coono ke den.


We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»


fop we mbosooxna na qeeñ den o mbaaƭ o Yaal oxe Roog fee no daan den too ndaaw’afulee o tedlandoox.»


A mbaasa o Yaal oxe soo a mbaɗooxaa a Baal fa Astarteyiin.


Cinj kaaga, a ngeeka ƥonax ke Sawul no juurand olaa Astarte fee da mbi’’ina roog den, soo a lok o dal ole no saŋe naa Bet-Se’aan.


Genwal fee no jegel ole Galaad, teeru fee Astarot fa fee Edari ndeeƭna teeru no maad ke Oog fee o maad Basan a coox’e a qaw ake na genwal fee na xa taan axe Makiir fee o ƥiy Manaase.


Xam fi keene, yaam Ii-isra’el we kaa mbaasaam soo a ngungaa mbaambir Astarte, roog fa ndew fee no Siisidoŋ we fo mbaambir Kemos, roog fee Mowaab fo mbaambir Milkom, roog fee no Aa-amon we. Ñaaƴee na ƭat es, mbi’ee kaa faaxna na kid es too ngayee bargal es fo ke simtuuma, ta guutatir fo ne Dawid fee faap Salomo a fi’tuuna.


Xam ci a den yiif laa da anditna yee mi refu o Yaal oxe. Xan a ndef xeet es, soo um ref Roog den, yaam xan a nomtooxiid me mi fo a qeeñ den fop.


Xeƈa xan wiin we Yudaa a and taamaala fee yuuɓanuuma a den fop, ndax da mbes a cinj a ƭat a paaxeer ale den. Maaga, xam waasanit tooñ den fo pakaad den.»


Ten taxu layi mbind Isra’el ee: Keeke o Yaal oxe na refkaa boo faw a layu: Nomtooxiidyo, mbes a cinj pangool ke nuun! Nquunyo cakalaaru ke nuun fop!


Meene nu mbaaƭitkaa o Yaal oxe Roog nuun, too xan nu nga’in, yaa nu mbaaƭuuna na qeeñ nuun fop fo na xa laaw nuun fop.


Maaga, Ii-isra’el we a mbi’a kaa faaxeerna na kid no Yaal oxe, a mbaɗooxaa a Baaliin.


Mi o Yaal oxe Roog nuun doŋ nu mbaru mbaɗoox, yaaga xam mucil a nuun na xa ƥay no fañ nuun fop.»


Yosiya a yaqa o sadaxand ole Betel reeƭna took ñaang sadaxand le, Yerobowam fee o ƥiy Nebat a maxin’ina, a bakaadnoortin xeet fee Isra’el. A doxa ñaang sadaxand le, a duguñ fop bo ta mok nem, soo a dox o daaƴ o lupe le Asera.


Kaa koy, a ñaang a sadaxand ake moocand’aand, ten taxu xeet fee ndamoox’ee na Roog fee no daan den na qeeñ den fop.


O Yaal oxe kaa tee: «Wo Isra’el, o nomtooxiidangaa, kaam ee o nomtooxiidangaa me mi, o watnangaa nitaal roog cakalaaru ke wo mbaambir es, waas a coqooyax ale,


Swiv nou:

Piblisite


Piblisite