1 Sami’el 7:2 - NQAARIIT NE ROOG

² A cinj ye arka ne no ngiɓoor ne a ɓiseena Kiryat-Ye’arim, a pe a mayu a ndoonooxa taaga, xa kiid qarɓeen ƭik xa muum. Maaga, Ii-isra’el we a iinoogata, a mbug o matiid o Yaal oxe.

1 Sami’el 7:2 Referans Kwoze

Mace 5:4

We naqadilooxna a ƭaaya, yaam xan Roog a yaal a den!

Yeremi 31:9

Xan da nomtooxiidaa a loolaa, a nqeɗaa, too xam ɗoxaa a den, ɓakand a den farna fo a ƈufnand foofi ke, da nqot a ƭat a cagu laa da tolofitkeerna, yaam kaam ref faap Isra’el, soo Efrayim a ref taaw es.»

Yeremi 3:13

Anddilooxi tooñ of rek, jaɓ ee siiknooraa fo o Yaal oxe Roog of. Kaa o siipanoogu muu refna, me no roog can ke, yoora ndaxar nquƥu nuu refna, too nan-gilooxiraamo.› » O Yaal oxe layun.

Haahate we 2:4

Ye malaaka fee no Yaal oxe a layna Ii-isra’el we fa lay faaga, den fop a njibna xa paɗax.

Yosuwe 9:17

yaam no ñaal ndadkandeer naa a ndaaw’u teeru ke den, a cinj ye da ƭisooxna. Teeru keene ndefu Gibe’on fa Kefira fa Beerot fa Kiryat-Ye’arim.

1 Sami’el 7:1

Maaga, wiin we Kiryat-Ye’arim a nqotiidaan, a ƥisin no mbind Abinadab fee sinj’ina took ñaang, soo da nqot o ƥeem Eleyasaar, a ndodin ndax ta yetooxaa arka ne no Yaal oxe.

1 Sami’el 7:3

Naaga, Sami’el a laya Ii-isra’el we fop ee: «A soƥangaa yee fo a qeeñ nuun fop nu nomtoortiidaa me no Yaal oxe, ndeɓyo roog can ke nu mbaɗooxaa fo xa taaƴ axe Astarte, soo ndam no Yaal oxe fo a qeeñ nuun fop too mbaɗooxan ten doŋ. Neene, xan a mucil a nuun na xa ƥay no Fiifilista we.»

1 Caloori ke 13:3

Maaga, xan i ƥisiid arka ne no ngiɓoor ne Roog me in, yaam topatoox’aand na jamaane Sawul.»

Yeremi 26:20

Na jamaane Yeremi, a jeg’a itam o koor o lakas oxaa yegnitoogna padafuleer no gon no Yaal oxe. Uriya fee o ƥiy Semaya a reeƭu, too a gen’u Kiryat-Ye’arim. A layooga took teeru fene fo took saax lene ne Yeremi a laytooguuna deŋ.

1 Caloori ke 13:5

Maaga, Dawid a xoya Ii-isra’el we kam saax le fop, ke xotitna no ŋat olaa Misira no ɓemb-roog o ñamaak boo no ndokand naa Hamat no ɓemb-roog o janoon, ndax da nqotik arka ne Roog reeƭna Kiryat-Ye’arim.