1 Sami’el 6:3 - NQAARIIT NE ROOG

³ A ndoona a den ee: «Boo nu yaxatkaa arka ne Roog fee Isra’el, ba nu ƥisin o ƥor, ndaa fat nu yoonandtin ci’it nqendandoor. Neene, xan nu mbod, too xan nu and ke taxna Roog feene a toroxandaa a nuun fa katil um.»

1 Sami’el 6:3 Referans Kwoze

1 Sami’el 6:9

Cinj kaaga, fat nu ƭeet a paax. Boo naak ke a nqotna a ƭat ale Isra’el, a njagin Bet-Semes, nu and ee o Yaal oxe doonu a in coono maak kene fop. A nqotangee maaga koy, nu and ee o Yaal oxe doonee a in kene, ndaa kaa dal a dal a in rek, too i andatee maa ta faqaqoorna.»

A cangatin ale 16:16

Goor we na xeet nuun fat a ngaraa a caf a tadak o hiid oluu watna mbaambir no Yaal oxe Roog nuun no mbiñ onqe ta jilkaa, ta ref na Xew fee no puuru canja’e ke fo na Xew fee no pes ɓetuu ƭik takooxiidu ke fo na Xew fee no ƭiif ke. Ba nu ngar mbaambir no Yaal oxe koy fo xa ƥay xa ƥor,

A sutax ale 23:15

Fa eetaand fee refu Xew fee no puuru canja’e ke. No ñaal ɓetuu ƭik ke ndameena no nqool onqe ne’eena Abiib, fat nu ñaamaa puuru canja’e, ne heblitanuuma a nuun, yaam no nqool onqeene nu sutooru Misira. Ba nu ngar fo xa ƥay xa ƥor me mi.

A sutax ale 34:20

Taaw o faam oluu refna, fat nu mbattin mbaal, too boo andoona yee nu mbatiran, fat nu nquƴ o cok ole. Taaw fa ngoor fuu refna na xa ƥiy nuun, fat nu mbatin. Ba nu ngar fo xa ƥay xa ƥor me mi.

Ke bindeena no xe ne’eena YOB 10:2

«Wo Roog, ba o ŋaaynaam a ƭat! Andnooraam ke taxna o ñoxoraa fa mi.

1 Sami’el 5:11

Den itam a nqoyna gelwaar we no Fiifilista waa, a mbokat a den, a lay a den ee: «Yaxatikyo arka ne Roog fee Isra’el maa ta jegeena mbaat xan i saŋkoox in fop.» Teeru faa fop kaa ndiidoogu o nqon, yaam ne Roog a lalit’ina katil fa maak fee ten.

1 Sami’el 5:9

A cinj ye da ƥisuuna maaga, o Yaal oxe a lalta katil fa maak fee ten no wiin we na teeru faaga, too a jega combol-combol maak. A xawta wiin we na teeru faaga fop xa tul, a xotit no we moƴna o neew boo no maak we.

1 Sami’el 5:7

Ye wiin we Asdod a nga’na ke dalna a den fop, a laya yee: «I mbugatee arka ne Roog fee Isra’el a yoq me in, yaam katil fee ten a dala took in fo took Dagon fee roog in.»

A paɗax ale 6:6

Fiɗel le a wara o kaƥaa took o sadaxand ole kili, a fañ o ñuf.»

A paɗax ale 5:6

Cinj kaaga, fat a ɓoxot o Yaal oxe yaam bakaad fee ta fi’na mbaal ndew mbaat fambe rew nen sadax fa mbaasnoor pakaad. Neene mat o saasadax oxe a jofooranditkaa o kiin oxeene fa Roog.»

1 Sami’el 6:8

Fat nu njang arka ne no Yaal oxe, ndoonin took a sareet ale, nu mbi paam um o arka nqe nu yipkaa tikoorik wurus ke nu ƥoxotkan nen ci’it nqendandoor, soo nu nqaƴ a sareet ale ta ret.

A sutax ale 8:15

Maaga, yaal-o-and we a laya a Firawon fee yee: «Roog fi’un!» Kaa koy, Firawon fee a ŋaja, a fañ o nan-giloox a Moyiis fa Aaroon, ne o Yaal oxe a layit’uuna.