1 Sami’el 5:3 - NQAARIIT NE ROOG

³ No feet olaa ƥiiɓ teel, ye wiin we ngenna Asdod a yokooxna, a soƥa o daaƴ ole Dagon a yen ƭaasin mbaambir arka ne no Yaal oxe. A inaan, a nomtin me ta reeƭna.

1 Sami’el 5:3 Referans Kwoze

Esayi 19:1

Ke na dalkaa a Misira: O Yaal oxe xey, a garaa Misira kam eel ñofu. Pangool ke Misira owe sendaa mbaambir um, soo njambaar ne no Miimisira we a ɓutaa kam den.

Esayi 46:7

Cinj kaaga, da nqotin, a ngadooxin soo a ndiƈin na seek um. Maaga roog fee a yoqaa, riƈatooxkee sen. A xoyange sax oo, jaaɓkee too mucilkee o leng na naqad.

Sofoni 2:11

Xan o Yaal oxe a saɗarnoox na den, yaam xan a moocand roog ke no lanq ke fop, too a pimb ake moƴna o liitoox sax xan a ngung mbaambir um me da ndefkaa ndef.

Mark 3:11

A mbanuu cini ke a nga’uuna, a yenooga na caf um, soo a mbuuqaa yee: «Wo refu o Ƥeenqe Roog!»

Yeremi 10:8

Den fop kaa tapoor a mbanxoy soo a yoqit, a cangin ale den refee tus. Roog ke den a teex rek a ndefu!

Esayi 41:7

O seesex oxe kaa saƭakinaa o qaaxaw oxe, soo o ƥooɓodaxin oxe a saƭakinaa o tafax oxe. Kaa layan ee: «Taƥin ne a faaxa.» Kaa rengan, ndax yo’nooxkee.

Esayi 40:20

Oxe roolna koy, boo waagee o jeg nandu neene, kaa waaƭaa o ɗeg a qanq olaa max ke mbaaganeerna dara, soo a ɗeet o kiin o baane’u xaa waaguuna o sexan o ten o daaƴ olaa na saƭikkaa koŋ.

A kim a tedu ke 97:7

Fop we na mbaɗooxaa pangool ke, a nqaaƴooraa xa koɓong axeene xan a sed. Roog ke fop kaa ngungaa mbaambir no Yaal oxe.

A sutax ale 12:12

No yeng olene, xam xaañ kam saax le Misira, too xam war taaw ke ten fop, no ke xotitna no wiin we boo no cegel ke soo hate Miimisira we no roog tefee ndigil ke da mbaɗooxaa. Mi refu o Yaal oxe.

1 Sami’el 6:5

Mbi’yo boog kaa samandaalna xa tul axe fo kaa lalitna ƈoox ke na yaqaa saax le, soo nu ƥoxot a Roog fee Isra’el o ndam. Neene, xeƈa toroxandkatee a nuun fa katil um, nuun fo roog ke nuun fo saax le nuun fop.

1 Sami’el 6:1

Arka ne no Yaal oxe a jeg’a a qool ɓetaa ƭaq kam saax laa no Fiifilista waa.

1 Maad we 18:26

A njanga nqoox ne da cooxeena, a nqendandin, cinj kaaga da ndef no ƈufginooxaa a Baal no kaa xotitna no nqes naa boo na waxtu njeeƈ ndeer xoox, a layaa yee: «Baal, jaaɓi a in!» Kaa koy, njeg’ee o jaaɓ o leng ke da mbecoogna me widna o sadaxand ole da max’ina fop oo.

A kim a tedu ke 115:7

Kaa njeg xa ƥay, ndaa nee nduqaa, a njeg a caf, ndaa nee ñaaƴaa. Fangax leng nee hataa no faƭanq den.