1 Sami’el 4:5 - NQAARIIT NE ROOG

⁵ Ye da ndokiidna fo arka ne no ngiɓoor ne no Yaal oxe no saŋe ne no Ii-isra’el we, den fop a ndalfooxa o ƈeel a maak boo lanq ke a yo’noox.

1 Sami’el 4:5 Referans Kwoze

Yosuwe 6:5

A njibnangaa a luuƥ ake boo nu nan fangax le den rek, fat fop a njibin xa buuq xire. Maaga, xan saŋe ne na teeru fee a jiƭtoox, soo oxuu refna na nuun a waag o rokit me ta jasnoorkaa.»

Amos 6:3

Nu mbugee nan kaa farna no ñaal ne o njakad a fudooxankaa a nuun boo ƈut, soo mbi’aa kaa na qicaa took nuun maat yednu.

Yeremi 7:4

Ba nu ngooloox fa lay fa maamaaɓ fene: Mene Mbind ne no Yaal oxe a refu, Mbind ne no Yaal oxe, Mbind ne no Yaal oxe o mat oo.

Ke bindeena no xe ne’eena YOB 20:5

o ndam no soxodu xe miñee, o ɗaay no xe a ƭat um a yongeerna na Roog goƭee?

Haahate we 15:14

Ye ta fadiidna Lehi, Fiifilista we a njibna xa soroxole, a nqetkaa fo ten. Maaga, Yiif le no Yaal oxe a fudooxa took um, xa ƥaak axe ngumit’eena a naax um a ndalfoox o mbi nen gaare faa fiɗel a doxna, soo ŋaƭir ke ten a mbat na xa ƥay um.

Yosuwe 6:20

A luuƥ ake a njibne, too yaa xiixire waa a nanuuna rek, a ndalfooxa o njibin xa buuq xire. Ndak fo ndak, saŋe naa Yeriko a jiƭtooxa, Ii-isra’el we a ndok kam teeru faa, oxuu refna na den a reefit me ta jasnoor’ina soo da njaɓin.

Mise 2:11

A jeg’angaa oxaa na yegnitaa xa koɓong, a maaɓaa a nuun ee: «Biiñ fo a yer a qaaɗu xan a naang gañ», oxeene waagkoogu refan xeet fene o tuleer.

1 Sami’el 4:6

Ye Fiifilista we a nanna xa ƈeel xa maak axeene, a layrooga yee: «Xar xa ƈeel xa maak axene no saŋe ne no Hebre we a tektu?» Ye da yegna yee arka ne no Yaal oxe a gara no saŋe ne no Ii-isra’el we,

2 Sami’el 15:24

Saadok itam maaga a reeƭu fo Leelewi we fop saq’ina arka ne no ngiɓoor ne Roog. A ndiƈa arka ne Roog, soo Abiyataar fee o saasadax oxe a ɓoxotaa sadax fee boo neen fop a sutooxu teeru faa.

1 Maad we 1:40

Cinj kaaga, xeet faa fop a nomtooxa na teeru faa, a ndeefin, a ndef no liitaa, a mbelakinooxaa fo o ɗaay o maak. Lanq ke kaa yo’nooxoogu yaam fangax le den.