1 Sami’el 4:3 - NQAARIIT NE ROOG

³ Ye we maad’ina o ñoowaa no Ii-isra’el we a ƈufiidna no ƭiif ke den, maak we Isra’el a laamtirooga yee: «Xar taxu o Yaal oxe a fi boo Fiifilista we a nduguñ a in xaye? Ndiiki koy, ngaryo i ƈuf Silo, nqotik arka ne no ngiɓoor ne no Yaal oxe, yaam boo ta refna a ndeer in, xan a mucil a in na xa ƥay no fañ in.»

1 Sami’el 4:3 Referans Kwoze

Yudaa 1:5

Kaam bug o wetand a nuun, nuun we andna kene a paax ee: O Yaal oxe, cinj ye ta mucilna xeet fee Isra’el boo a sutin Misira, a saŋik’a wiin gimaƭaru we.

1 Piyeer 3:21

Kaa reeƭu nitaale’ir na batiise fee na muclaa a nuun ndiiki. Na batiise fee, refee yee ndoƭ cer in i ƥogaa, ndaa kaa ref i nqeɗaa a Roog o njeg yiif jeejooxeer dara. Ten o mat na muclaa a in na pexey a qontax ale Yeesu Kiristaa

Hebre 9:4

A jeg’a maaga o sadaxand ole fi’teena wurus, me cuuraay fee a doxtoogeena, a jeg itam arka ne no ngiɓoor ne laar’eena wurus. Kam arka ne a jeg’a o ƥaxañ wurus olaa yipoogna maan. O samb ole Aaroon fiɗ’ina fo a alfa ƥil ake me fa lay fee no ngiɓoor ne a bind’eena a ndeeƭa teen itam.

2 Timote 3:5

Xan a ne’ooxaa reereef a ƭat Roog, ndaa njaɓkee ke refna doole o reef a Roog. Yufi wiin nandu naaga!

Yeremi 7:4

Ba nu ngooloox fa lay fa maamaaɓ fene: Mene Mbind ne no Yaal oxe a refu, Mbind ne no Yaal oxe, Mbind ne no Yaal oxe o mat oo.

Yeremi 3:16

O Yaal oxe a layahina yee: «Yaa nu ndimatirkaa, mayat bo kam saax le, a koom arka ne no ngiɓoor ne no Yaal oxe layitkataand. Yiif gomkatiran, wetandooxkataand, xalatooxkataand, too lakas fi’atinkaand.

Esayi 58:3

Kaa laamtaxam ee: ‹Xar a jiriiñu i ngooraa, yaa ga’eeranoona? Xar a ɗaxu i ndamaa cer in, a ƭat of a yongangee teen?› Maaga um doon ee: Ƭeetlooxeenoo nuun fa qoox nuun: Koor ne nuun yaqanee nu ƈufanaa o njiriiñ a qoox nuun, ñagadilaa jaajal we nuun.

Esayi 50:1

O Yaal oxe kaa tee: «Taa a kayit a pinde le lalitna yee waasaam a ya nuun mbaat an jikooxum a nuun nen faɗ, ndax um rabditin o lad es? Nu njikooxange, paaxeer ke nu mbi’na taxun. Ya nuun a raxange, pakaad nuun taxun.

A kim a tedu ke 74:11

Xar taxu o ŋook xa ƥay of, tuuƭ a ñamaak of? Watneen no ngang of ne faƭanoona, fi tig!

A kim a tedu ke 74:1

A cangtax alaa gimeena yoo, a fog na ke Asaf. Wo Roog, xar taxu o waas a in pelek? Xar taxu fuux of a biltooxan a in, in we o siir ole o gayaa?

1 Caloori ke 17:1

Ye Dawid a jangooxna no mbind no maad ne ten, a moofa boo bes ta lay a Natan fee o tuleer oxe yee: «Kaam gen no mbind naa jalteena a teex ndaxar seedar, soo arka ne no ngiɓoor ne no Yaal oxe koy a laqel kam ƭiif. Xar xalaato no kaaga?»

2 Sami’el 15:25

O maad oxe a laya a Saadok ee: «Ɓisi arka ne Roog na teeru faa. A soƥangaa yee daawaam yirmande fee no Yaal oxe, xan a nomtiidaam, um ga’ahin arka ne fo Ngenand ne ten.

1 Sami’el 14:18

Sawul a laya a Ahiya, o saasadax oxe yee: «Ɓisiidi arka ne Roog!» Ne arka ne reeƭna a ndeer Ii-isra’el we a koom taxu Sawul a layin keene.

Yosuwe 7:7

Yosuwe a laya yee: «Ey, o Yaal oxe na refkaa boo faw, xar taxu o jootniid a in a Yordaan? Ndax kaa o bug o ɓoxot a in na xa ƥay no Aa-amori we soo saŋiknoor a in? Giimee rek bo i yoq’ina no saax o lakas ole Yordaan!

Yosuwe 4:7

fat nu ndoon a den ee: ‹Poofi ke Yordaan ƈufoogna kaa ngeenoox’u mbaambir arka ne no ngiɓoor ne no Yaal oxe. Ye arka ne a xaañneel a Yordaan, poofi ke ten ƈufoogna kaa nqaajoor’u. A ƥil akene boog, xan a ndef no Ii-isra’el we betandoor no keene boo kili.› »

A cangatin ale 31:26

«Njangyo safe lene no kebil ke, nu ndoonin paam arka ne no ngiɓoor ne no Yaal oxe Roog nuun, too xan a ref meene na nuun nen seede.

A cangatin ale 29:24

Xan a ndoonel ee: ‹Ke taxuuna refu yee kaa ndeɓ ngiɓoor ne o Yaal oxe Roog fee no daan den a dalin’ina fa den a cinj ye ta sutna a den no saax le Misira,

A lim ale 31:6

Moyiis a hebla a den, den fop na ñoq alaa, a yoonandit a den a Finees fee o saasadax, refna o ƥiy Eleyasaar. Oxeene saq’u tikoorik tedu ke fo a luuƥ ake na lambniteel.

A lim ale 10:35

Boo arka ne a retoogna, Moyiis kaa layoogu yee: «O Yaal oxe, naagi daket, ndax fañ we wo a pasaroor, soo we na ñoxoraa fa wo a ngod o joor.»

A lim ale 10:33

Ii-isra’el we a inoora no joong ole no Yaal oxe, too a ñaaƴayo ñaal tadik. No arka ne no ngiɓoor ne no Yaal oxe a ƭeetoogu no ñaal tadik keene, yaam ten laloogu a den me da mbar’ina o ndal.

Yosuwe 6:6

Yosuwe fee o ƥiy Nun a xoya saasadax we, a lay a den ee: «Nqotyo arka ne no ngiɓoor ne, soo saasadax ɓetuu ɗik a nqot a luuƥ ɓetaa ƭaq akaa mbi’teena xa can suk mbaal, a adooxan arka ne no Yaal oxe.»

Yosuwe 7:8

Ey, o Yaal oxe, ndiiki koy, xar um laykaa, yaam Ii-isra’el we a ƈufa mbaambir no fañ den?

1 Sami’el 1:24

Ye ta roɓnuuna, a soƥ’a ta maad o neewaa lool, ndaa a ƥisa o njaaƈ onqe Silo, ten fo o kor um. A ƥislooxa itam nqoox naa jegna xa kiid xa tadaq fo o saaku mbiɗel fo mboxos naa yipna biiñ.

1 Sami’el 4:2

Fiifilista we kaa mbapooxan’u Ii-isra’el we, a ñoq alaa yee kur. A nqawa Ii-isra’el we boo a mbarit no qol xire laa ngap goor cuni nahik.

Esayi 59:1

Ba nu mboog ee o ɓay no Yaal oxe kaa raƥ boo waagee o mucil a nuun mbaat nof um a mbeƭar boo waagee o nan a nuun.

Esayi 59:2

No ndigil tooñ ke nuun saƭtirandu a nuun fa Roog nuun. Pakaad nuun o mat na taxan o xuruloox, ndax nan-gilooxkee a nuun,