1 Sami’el 4:2 - NQAARIIT NE ROOG

² Fiifilista we kaa mbapooxan’u Ii-isra’el we, a ñoq alaa yee kur. A nqawa Ii-isra’el we boo a mbarit no qol xire laa ngap goor cuni nahik.

1 Sami’el 4:2 Referans Kwoze

A ƭomatax ake 3:40

Fat i ƥaal a ƭat in, ngoroox a pesoorooƭ in soo nomtoox me no Yaal oxe.

1 Sami’el 17:21

Ii-isra’el we fo Fiifilista we a njasnoora, a njagandooxan a ñoq.

1 Sami’el 17:8

Golyat a geenooxa, a falaloox a yaj ale no Ii-isra’el we yee: «Jaree nu ngaraa nuun fop, ndax nu nqire fa in. Ndax kaa refiim o Fiifilista, soo nuun nu ndef dag we Sawul? Njilyo rek o kiin o leng na nuun ta ñoxoriid fa mi.

Yosuwe 7:12

Ii-isra’el we mbaagkatee o nqox fañ den, ndaa kaa yaskaa da nduuf, yaam den fa qoox den kaa ndefat yaqel. Refkatiim fa nuun a refangee kaa nu yaq ke war’eena o yaq too a ref a ndeer nuun.

1 Sami’el 4:1

Sami’el a yegnooga xeet fee Isra’el fop fa lay um. Bes, Ii-isra’el we a inooxa, a nqetik fo Fiifilista we, ndax da ñoxor fa den. Paam Eben-Eseer a ndal’u, Fiifilista we o mat, a ndal Afeq.

1 Sami’el 4:3

Ye we maad’ina o ñoowaa no Ii-isra’el we a ƈufiidna no ƭiif ke den, maak we Isra’el a laamtirooga yee: «Xar taxu o Yaal oxe a fi boo Fiifilista we a nduguñ a in xaye? Ndiiki koy, ngaryo i ƈuf Silo, nqotik arka ne no ngiɓoor ne no Yaal oxe, yaam boo ta refna a ndeer in, xan a mucil a in na xa ƥay no fañ in.»

1 Sami’el 4:10

Maaga, Fiifilista waa a ndoka na ñoq alaa, a nqaw Ii-isra’el we boo da ƈuf kam ƭiif kaa den. A qaw ale den fo Ii-isra’el we a ɗom’a lool, yaam xiixire cuni qarɓeen tadik a mbar’e no Ii-isra’el we.

A paɗax ale 26:37

Xan nu mbaɓraa a ndeer nuun nen waa o pañ den a raxaa, too yaaga fop oo, o leng raxee a nuun. Nu mbaagkee o nqox fañ nuun.

A lim ale 14:45

Naaga, Aa-amalek we fo Kaakaanaan we ngen’ina na xa coong axeene a mbudooxiida. A nqawa a den soo a ƭiir a den boo Horma.