1 Sami’el 3:2 - NQAARIIT NE ROOG

² Na pe a leng kut akaaga, Eeli fee femek’eena boo waagatee a ka, a wondooxa o yeng no njong um.

1 Sami’el 3:2 Referans Kwoze

1 Sami’el 4:15

Eeli koy, xa kiid qarɓeen ɓetuu nahik fo xa kiid ɓetaa tadaq a jeg’u too kaa femek’el boo waagatee o ga tus.

A kim a tedu ke 90:10

Xa kiid in owe ngape no qarɓeen ɓetuu ƭik, we moƴna mbel njelem a ndetaa boo no qarɓeen ɓetuu tadik, ndaa o lorax fo coono doŋ a nqottaa teen, yaam o ñoow miñee dara, soo i yet fir.

Mberaand 48:10

A kid ake Yakoob kaa niifaar’atu yaam nogoy ne, waag’atee a ka. Yoseef a matandiida a den me ten, soo a foon a den, a farakoox a den.

Mberaand 27:1

Isaak a nogoy’ata tigi. Kaa maak’u boo waag’atee o ga tus. Maaga, a xoya a Esawu fee taaw um, a layin ee: «O ƥees!» Ta jaaɓ ee: «Oow!»

Mberaand 48:19

Faap um a faña soo a layin ee: «Andaam kaaga de, o ƥees! Andaanum, ten itam xan a ref o taan xeet fa maak, a saqit. Kaa koy, o ndeɓ um na hupkan, too xan xa taan um a mayƭand qeet ke fop.»

O baawaare xe 12:3

A koom, yeeyetax we no mbind ne xan a ngoɓaa, poŋkil ke a ñakat doole, rew we mbarna o un a ndam tet, yaam ne da mayateerna, we na mbootnooraa na xa palangteer axe a muuroox,

1 Sami’el 2:22

Eeli, o saasadax oxe kaa nogoy’u lool. Ye ta yegna ke xa ƥeem axe a mbi’oogna fa xeet fee Isra’el, a nan itam ee kaa mbondooxoogu fo rew we mbadnoogna o far den no ndokand ne no Ƭiif ne o Yaal oxe a xetteel,

1 Maad we 14:4

O tew oxe Yerobowam a fi’a naaga. A reta Silo no mbind Ahiya. Ahiya koy, kaa femek’el boo waag’atee a ka, yaam a nogoy lool.