1 Sami’el 3:1 - NQAARIIT NE ROOG

¹ Sami’el, o ndeɓandoong onqe, a reeƭa paam Eeli, a jalanaa o Yaal oxe. No camaane kaaga a jafeñ’a lool, ndax o Yaal oxe a feeñoox o kiin mbaat ta lay fo ten.

1 Sami’el 3:1 Referans Kwoze

A kim a tedu ke 74:9

Xa anddiloor comlaand nga’ataand, duleer njegatee meen, too o leng na in andee boo a mban neeke.

1 Sami’el 3:21

O Yaal oxe a maad’a o feeñooxaa kam Silo, refna ref me ta feeñooroogna a Sami’el na pexey fa lay um.

1 Sami’el 2:11

Cinj kaaga, Elkanayiin a nqaada Rama, soo o njaaƈ onqe a yoq Silo maa Eeli, o saasadax oxe, ndax ta jalan o Yaal oxe.

1 Sami’el 2:18

Sami’el o mat, ke ta reeƭna o ndeɓandoong fop oo, o jamb olaa fi’teena gaare a rokooxoogu soo a fadnaa o far um mbaambir no Yaal oxe.

Esayi 13:12

Xam fi wiin we a moƴ o njafeñ wurus fa nqoolu. Kaam ee xan pindeef ke a moƴ o njafeñ wurus fee Ofiir.»

1 Sami’el 3:15

Ye Sami’el a wondooxna boo no nqes naa, a weta begax ke no Mbind ne no Yaal oxe. Kaa saɗaroogu o wetandoox a Eeli ke ta layeena kam mbeeñax ne ten.

1 Sami’el 2:35

Cinj kaaga, xam dalnan a xoox es o saasadax oxaa na damooxkaa na mi, a ñaaƴaa no bug es. Xam ci’in xa taan axaa na ndefkaa saasadax boo kili mbaambir oxe um ɗuumkaa.

1 Sami’el 2:36

Oxuu yoqna teen no mbind of koy, xan a gar maa no saasadax oxeene, a gung na caf um, ndax ta waag o jeg o monjong xaaliis mbaat o ɗeg mbuuru. Xan a xeɗooxin ee: ‹Kaam xeɗang o cooxaam o njalel onquu ta waagna waag o ref paam no saasadax we, ndax um waag o jeg kaa um ñaamaa.› »

Xa peƭit axe 29:18

Duleer Roog a njegangee, xeet fee kaa ndefataa no kaa felna a den, oxe na gayaa kebil ke mat a ɗaaya.

Heseki’el 7:26

O njakad kaa reef took o njakad, o nan o feleer fo o gend um a ndeepatir. Kaa da ƭeetnooxaa me no tuleer, ndaa a cangin a katu no saasadax a naaga mes, o as o inooru na koorgi a ɓoow jang.