1 Sami’el 2:2 - NQAARIIT NE ROOG

² O leng fodee fo o Yaal oxe o tedel. Ten doŋ refu ndaɗand in, too fa lakas jegee a refangee ten.

1 Sami’el 2:2 Referans Kwoze

2 Sami’el 22:32

An refu Roog boog, a refangee o Yaal oxe? An refu ɓil jaɓnooxand le, a refangee Roog in?

Esayi 44:6

Keeke o Yaal oxe Hupna fop, a ref o Maad Isra’el fo o baawat um, a layu: «Mi refu o eetaand oxe fo o palakaand oxe. Jegee roog fa lakas, a refangee mi.

A kim a tedu ke 86:8

O Yaal oxe, o leng nandee fa wo a ndeer roog ke, too dara fodee fo a pi of.

A kim a tedu ke 89:8

Wo Roog, kaa o saɗarnoox no mbokatax ne no tedu we, saɗarnoox tigi no fop we mbidoonga.

A sutax ale 15:11

O Yaal oxe, an nandu fa wo ndeer roog ke! Kaam ee an fodu fa wo o tedel, wo fee saɗarnooxna, jarel o tagas, fi’aa comlaand!

1 Piyeer 1:16

yaam a binde yee: «Fat nu ted, yaam kaam ted.»

Yeremi 10:6

O Yaal oxe, dara nandee fa wo. Kaa o magin, too gon of kaa magin, a may katil.

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

A cangatin ale 3:24

‹Wo o Yaal oxe na refkaa boo faw, woxey lalaxam, mi fee o tag of, o magnel of fo o ɓay o jegu katil ole wo. Jegee na asamaan mbaat took lanq ke a Roog faa waagna o fi a pi a maak ake o fi’aa.

A paɗax ale 19:2

ta daawin o fog ole no Ii-isra’el we xa ƭelem axeeke: «Fat nu ted, yaam kaam ted, mi o Yaal oxe Roog nuun!

O leetar ole Pool a bindna GIMU WE NGENNA ROM 15:4

Ke i soƥna kam a Pind a Tedu ke fop kaa mbind’el yaaga, ndax ta jangin a in o muñ, a ci a in a yaalax. Neene, xan i njeg yaakaar na pexey a Pind a Tedu ke.

Esayi 44:8

Ba nu ndiid, too ba nu send. Ndax kaa nannoorinum a nuun soo yegnin a nuun yaaga? Nuun ndefu seede es. Ndax a jega roog fa lakas faa jolna mi? Jegee ɓil jaɓnooxand lakas, mi o mat andinum.»

Esayi 40:18

An nu mbugu o nandandit a Roog? Nitaal num nu mbugun o ndendandit?

Esayi 6:3

Kaa mbalalooroogu yee: «O Yaal oxe Hupna fop kaa ted! Kaa ted! Kaa ted! Lanq ke fop kaa may fo o ndam um.»

A kim a tedu ke 111:9

A watiida xeet um, a dalin ngiɓoor um boo faw. Gon um kaa ted soo a saɗarnoox.

A kim a tedu ke 99:5

Tagasyo o Yaal oxe Roog in, ngung mbaambir o dakand ole ten. O Yaal oxe kaa ted.

A kim a tedu ke 89:6

O Yaal oxe, asamaan kaa simatang no comlaand ke o fi’aa, mbokatax ne no tedu we a simataa ngor of.

A cangatin ale 32:39

Andyo boog ee mi yoo, mi soom refu Roog, too fa lakas jegee meen. Mi na jangaa o ñis, too mi na ñoownaa itam. Mi na gaañaa soo wodandaa. O leng waagee o wat o kiin no ɓay es.

A cangatin ale 32:4

Ten refu ɓil le. A pi ake ten njegee sik. A ƭat ake ten fop kaa njof. Kaa ref Roog fa ngore’u faa fi’keerna njofaƭar. Kaa jof soo a woor.

A kim a tedu ke 99:9

Tagasyo o Yaal oxe Roog in, ngung farna fo joong o tedu le ten, yaam o Yaal oxe Roog in kaa ted.

A kim a tedu ke 73:25

An jegum o lakas na asamaan? Ne refoona fa mi, waaƭiim ndamlooxand leng no lanq ke.

A kim a tedu ke 71:19

Wo Roog, o cofel of kaa ret boo took-ee-took, wo fee fi’na tig magnu. Wo Roog, an fodu fa wo?

A kim a tedu ke 71:3

Refi na mi ɓil saƭku laa um jaɓnooxaa, garaa teen cay. Hebliti um muclel, yaam wo refu ɓil es fo saŋe es.

A kim a tedu ke 18:2

A laya yee: O Yaal oxe, fexaaxoong. Wo refu doole es.

A cangatin ale 32:20

A laya yee: Xam ɗasin a den mukit es, boo ga ke na refkaa muukandoong den, yaam kaa ndef suk yaqooxu, xa teɓandoong axaa njaraandeena ngooloox.

A cangatin ale 4:35

Nu ci’e boog o nga keene, ndax nu and ee o Yaal oxe doŋ refu Roog, too jegee fa lakas a refangee o ten.

O leetar ole Pool a bindna GIMU WE NGENNA ROM 4:8

Ndaw o ɗaay no xe o Yaal oxe a ɗeeteerna bakaad um.»

2 Sami’el 7:22

O Yaal oxe Roog es, kaam ee wo magnu! Ke i nanoodna a lalta yee o leng nandee fa wo, too roog fa lakas jegee, a refangee wo.

2 Sami’el 22:3

Wo refu Roog es, o joong ole um jaɓnooxaa. Wo refu pegoor es, o Muumucil es o mayu katil, ndaɗand mbooru es fo laqooxand es. Wo refu o Muumucil es oxe na muclaxam no wiin fo’oy we.

1 Maad we 8:23

a xeɗ ee: «O Yaal oxe Roog fee Isra’el, jegee roog faa nandna fa wo, ta ref na asamaan mbaat took lanq ke. Kaa o gayaa ngiɓoor ne fo o paaxel of a ndeer of fo dag of we ndamooxna na wo na qeeñ den fop.

A kim a tedu ke 18:31

A ƭat ale Roog kaa ñak sik, fa lay fee no Yaal oxe a woor. Kaa ref pegoor no fop we na njaɓnooxan.

A kim a tedu ke 99:3

Fat da tagas gon of magnu le too a saɗarnoox. Kaa ta ted.

A paɗax ale 11:44

Mi refu o Yaal oxe Roog nuun. Fat nu ted boog, yaam kaam ted. Yaaga boog, ba nu nduq ƥood keene fop, yaam ndik da nqoolaƭarin a nuun.

A paɗax ale 11:45

Mi refu o Yaal oxe sutitna a nuun no saax laa Misira, ndax um ref Roog nuun. Fat nu ted boog, yaam kaam ted.

A cangatin ale 4:39

Xaye, andyo too ndam na qoox nuun ee o Yaal oxe refu Roog fee na asamaan, maaga took-ee-took fo took lanq ke, too jegee fa lakas.