1 Sami’el 2:1 - NQAARIIT NE ROOG

¹ Xaan a simata o Yaal oxe too a lay ee: «Xeeñ es kaa felakinooxaa no Yaal oxe. O cok es oxe took yaam o ten, waagataam o jal fañ es. Kaam felakinooxaa no ten fee ƴufgaxama.

1 Sami’el 2:1 Referans Kwoze

A kim a tedu ke 13:5

ndax o pañ oxe mi laykee yee: «Maafaanum», soo noon we mi a sawar yaam njom ne mi.

Filip 4:6

Ba nu nqalam dara! No kuu refna, ndiisyo a Roog coxla nuun, nqeɗaa, nqeɗooxaa, too ngidman itam.

A kim a tedu ke 92:10

Fañ we wo o mat, o Yaal oxe, kaam ee fañ we wo o mat xan a saŋkoox, fiifi paaxeer we fop a pasaroox.

A kim a tedu ke 89:17

no mbelakinax a ngenu kili yaam gon of, o cofel of a yoɗaa a den.

Filip 4:4

Naangyo o mbelakinooxaa kili no Yaal oxe, kaam ee naangyo o mbelakinooxaa!

A kim a tedu ke 20:5

Yaasam ta ci’ong ke refna no xeeñ of, a fadin yuuƥ ke wo fop!

A kim a tedu ke 9:14

O Yaal oxe, yirmaam too ga coono es ke we sibaxama a ngaritna, wo xe na suqtitaxam na xa ton-maax axe na fa nqon fee,

A kim a tedu ke 35:9

Maaga, xam felakinoox no Yaal oxe, jeg o ɗaay no ƈufig ne ten.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

O leetar ole Pool a bindna GIMU WE NGENNA ROM 5:11

A jega kaa doonooxna no keene itam: Kaa i mbakooxaa na Roog yaam o Yaal in Yeesu Kiristaa fee jofoorandna a in fo ten.

Habakuk 3:18

Mi o mat, kaam felakinooxaa no Yaal oxe, ɗaay na Roog fee na mucilkaxam.

A kim a tedu ke 118:14

O Yaal oxe refu doole es, too ten soom um gimaa, ten fee o Muumucil es.

A kim a tedu ke 89:24

Xam duguñ fañ um na kid um, xaw we sibuuna.

A sutax ale 15:21

Miryam a jaaɓanooga a den ee: «Nqaananyo o Yaal oxe, yaam a lalta yee ten kelfa’u fop, a jogola pis fo ŋaaŋaay den kam o maag olaa.»

A sutax ale 15:1

Cinj yaa kaaga fop a xewna, Moyiis fo Ii-isra’el we a nqaanana o Yaal oxe a kim aleeke: «Kaam xaananaa o Yaal oxe, yaam a lalta yee ten kelfa’u fop. A jogola pis fo ŋaaŋaay den kam o maag olaa.

1 Piyeer 1:8

Nu mbexaan, too nu mosiran o nga. Boo ndiik, nu nga’afuliran, ndaa kaa nu ngimaa no ten, soo mbelakinooxaa fo o ɗaay o maak o jegu o ndam onqaa waagaandeena o lay,

A kim a tedu ke 51:15

Maaga, xam aqatin a ƭat of baabakaad we mbesoonga a cinj, too xan a nomtooxiid me wo.

A kim a tedu ke 18:2

A laya yee: O Yaal oxe, fexaaxoong. Wo refu doole es.

Habakuk 3:1

Kene refu a qeƭ ale no tuleer Habakuk, na gimteel nen a kim a ƭomatax:

A kim a tedu ke 75:10

Mi o mat, xam gen no felakinooxaa soo xaanaa a Roog fee Yakoob.

A kim a tedu ke 71:8

O don es kaa gen no simatang, um xaanaa o ndam of no ñaal ke fop.

Mbeeñil 18:20

Ten taxu wo asamaan, felakinooxi! Nuun we mbogna na Roog fo apootar we fo duleer we, kaam ee mbelakinooxyo, no ne Roog a hate’na teeru feene yaam ɗom le ta fi’na a nuun.»

YEGIL MBAAX NE YEESU ne Lik a bindtuuna 1:69

A ci’a a in o Muumucil o mayu katil kam mbind Dawid fee o paɗ um,

Nehemi 11:17

A jeg’ahina a Mataniya fee o ƥiy Miika, daan um a ndefna Sabdi fa Asaf. Ten ɗoxoogu a kim a niwir ake yaa fo a qeƭ ale. A jeg’a itam a Bakbukiya fee o teefax um fa Abda fee o ƥiy Samuwa, daan um a ndefna Galal fa Yedutun.

A cangatin ale 33:17

Kaa ref no Yaal oxe nen nqoox taawloore, a ref qaaƴoor um. Xa can axe ten kaa nandtaa xa can naak-a-koƥ, a ndef faan le Efrayim fo le Manaase, ta xawtaa a den qeet ke, a raxaa a den boo no cat adna.»

Ke bindeena no xe ne’eena YOB 16:15

Ɗiisaam o saaku, adnin no cer es, lup a tagid es a lanq.

A kim a tedu ke 148:14

A ci’a xeet um o maad o cegu katil, ndax we ndamooxna no ten fop a simatan, Ii-isra’el we ndefna xeet fee matuuna. Haleluyaa!

1 Sami’el 1:6

O kend oxe o mat, kaa naxooxoogun, a naqadilan, yaam ke o Yaal oxe a ci’’eeruuna o ƥiy.

1 Sami’el 1:7

O hiid oluu refna, leng kut ke xewoogu, a mbanuu Xaan a gar’ina no Mbind ne no Yaal oxe. No jaf leene itam, Peninaa a naqadilaan boo ta loolaa, a jaranin ta fañ o ñaam.

2 Caloori ke 20:27

Goor we Yeerusaleem fo Yuuyuda lakas we fop fa Yosafat fee adooxan’ina a den a nomtooxa Yeerusaleem fo o ɗaay. O Yaal oxe kaa mayƭand’u a den fo o ɗaay ye ta watna a den no fañ den.

A kim a tedu ke 21:2

O Yaal oxe, o maad oxe xe felakinooxaa na doole of, a muc ale hatna na wo a mayƭandin fo o ɗaay.

A kim a tedu ke 89:18

Wo refu katil fa nga’atinoor in, o cok in ole took, yaam ne fartoona a in.