1 Sami’el 12:3 - NQAARIIT NE ROOG

³ Mexey mbaambir nuun! Um jegangaa ƥanjel, ƥanjaamoo mbaambir no Yaal oxe fo mbaambir o maad oxe ta jilna. Ndax jangaam nqoox no kiin mbaat o faam um? Ndax naxaam o kiin mbaat um toroxandin? Ndax mosaam o jaɓ neexil no kiin ndax ga’kiim a pi um? A refangaa, too a jega, xam nomit a nuun baasnoor.»

1 Sami’el 12:3 Referans Kwoze

A pi ake 20:33

Waaƭ’iim xaaliis mbaat wurus mbaat tikoorik no kiin o leng.

A lim ale 16:15

Moyiis a fuuxa tigi too a laya o Yaal oxe yee: «Ba o jaɓ sadax den. Mosiim o jang na den dara, refee o faam o leng sax, too mosiim o tooñ o leng na den.»

1 Sami’el 24:6

Ye ta fi’na keene rek, o laaw ole ten a dalfooxa o ref no fiiƭaa a maak.

A cangatin ale 16:19

Ba nu ƭap yaa fa hate, mbañ o mbarit o leng no kate nuun, too ba nu njaɓ o neexleel muk, yaam neexil ke kaa mbuulnaa a kid ake no yaal-o-and we soo a yaqaa fa lay fee no jofu we.

1 Tesalonik 2:10

A woora a nuun, too a woora a Roog itam ee a pesoorooƭ in mbaambir nuun we ngimna a lewa, a jof too a ñak ŋañel.

1 Sami’el 12:5

Sami’el a ɓaata o lay a den ee: «O Yaal oxe fo xe ta ɗuumna ndefu seede in no ñaal ne xaye yee nu njegee dara kaa nu ƥanjtaxama.» A ndoonaan ee: «Den o mat ndefu seede we.»

1 Sami’el 10:1

Maaga, Sami’el a janga o moon diwliin, a juurin took xoox le Sawul. A farakooxaan, a layin ee: «O Yaal oxe fa xoox um ɗuumong, ndax o kelfa xeet fee ta jegoodna.

A sutax ale 23:8

Ba nu njaɓ o neexleel muk, yaam neexil ke kaa mbuulnaa we a kid den a mbetooxna soo a yaqaa fa lay fee no jofu we.

1 Tesalonik 2:5

Ne nu andtuuna, i mosee o saq fa lay fa koocir fa leng, too i mosee o mbaare’aa, ndax i njegit teen xaaliis. Roog a seede’a a in no keene sax.

A sutax ale 20:17

Yaawkiro mbind no kend of. Yaawkiro o tew no kend of mbaat surga um mbaat o mbindaan um mbaat qoox um mbaat o faam um mbaat tig lakas kaa ta jegna.»

YEGIL MBAAX NE YEESU ne Lik a bindtuuna 19:8

Kaa koy, Sake a inooxa, a geenoox soo a lay o Yaal oxe yee: «O Caajangin oxe, we njegeerna dara, xam coox a den genwal fee na halal fee mi, too a soƥangaa yee naxaam o kiin, ñaam xaaliis um, xam daknin o ten kaa hupna boo a caf a nahak.»

Mace 22:21

A ndoonaan ee: «Kesaar fee.» Maaga, a laya a den ee: «Ƥoxotyo boog a Kesaar fee ke Kesaar fee a jegna, soo ƥoxot a Roog ke Roog a jegna.»

A paɗax ale 6:4

Cinj kaaga, fat a wol toki um, a rokoox lakas, ndax ta ɓis ndaw ke tafil saŋe ne, no mbiñ o nqoolu.

A sutax ale 22:4

«Boo o kiin a xaƴna cegel um bo da mbiitin o qol mbaat a ƭing taxar biiñ no kend um, fat a jang ke moƴna faax no ke o qol um mbaat a ƭing taxar biiñ um a watna, a rabditin.

2 Korint 12:14

Mexe dadkandiidaa o jaf es me nuun, too taxkee um gaɗ ñoowir es na nuun, yaam refee yee kalal ke nu njegna um waaƭaa, ndaa xa mem nuun sax. Refee yee xa ƥiy axe mbaru o saakanaa paap ke den ñoowir, ndaa paap ke mbarun o mbi’an a den.

1 Sami’el 2:35

Cinj kaaga, xam dalnan a xoox es o saasadax oxaa na damooxkaa na mi, a ñaaƴaa no bug es. Xam ci’in xa taan axaa na ndefkaa saasadax boo kili mbaambir oxe um ɗuumkaa.

1 Sami’el 12:4

A layaan ee: «Mosiro o nax a in mbaat o toroxand a in, too mosiro o jaɓ o gerel.»

Xa peƭit axe 15:27

Oxe buge’na kaa loraa mbind um, oxe jaɓeerna gerel o mat xan a ñoow.

A paɗax ale 6:5

Fiɗel le no sadaxand ole koy, kaa war o kaƥaa teen, a fañ o ñuf. Nqes nuu refna, o saasadax oxe kaa war o yipaa teen xa cuuƭ, a leemaa teen sadax fa ndoxel fee soo a dox teen neeneer ke na sadax fa njamsa’oor fee.

1 Sami’el 24:7

Maaga, Dawid a laya yoon we ten ee: «Yaasam o Yaal oxe a muclaam no xuuf o ñoow no yaal mbind es ne nu nqalaattuuna! Yaam o mat, o Yaal oxe fa xoox um sax ɗuumun o maad.»

1 Sami’el 24:11

Xaye ga’oodaa sax ee o Yaal oxe fa xoox um a ɓoxot’aang na xa ƥay es kam luf nene. Kaam asoogel ee: ‹Wareen!›, too yaqanee um wuusong, lay a den ee: ‹Waagiim o doon o ɓay es took no yaal mbind es, yaam o Yaal oxe sax ɗuumun o maad.›

1 Sami’el 26:9

Dawid a doonaan ee: «Ha’aa, ba o warin, yaam oxuu warna o maad oxe o Yaal oxe a ɗuumna, ñakkaand o xaw.»

1 Sami’el 26:11

Yaasam o Yaal oxe a muclaam no xuuf o ñoow no maad oxe ta ɗuumoodna. Jangi rek a salma le ten refna paam hakandax le ten fo o nqaw foofi nqe, soo i ndet.»

2 Sami’el 22:22

Ɗapiim a ƭat no Yaal oxe, fesiim a Roog es a cinj.

Nehemi 5:11

Xaye fee xaye sax, fat nu ƥoxot a den xa qol den, a ƭing taxar biiñ den, a ƭing taxar oliiw den fo pind den, nomit a den a seek ale na xaaliis fee, bele fee, biiñ fee fa diwliin fee nu laac’ina a den nen ndimand.»

A kim a tedu ke 15:5

Ɓanditkee xaaliis ndax ta rimandin too jaɓkee gerel ndax ta seede’an o cofu xe cegeer. Oxuu na fesooraa neene, tolofkee muk.