1 Sami’el 1:8 - NQAARIIT NE ROOG

⁸ Elkana fee o kor um a laamtaan ee: «Xaan, xar taxu o loolaa, fañ o ñaam? Xar taxu kam of felee? Ndax kaa moƴaniroong xa ƥiy xa koor xarɓaxay?»

1 Sami’el 1:8 Referans Kwoze

Ruut 4:15

Xan a ɓutin kam of, a teeteelong, yaam o seemir of oxe fexoonga, a moƴanong xa ƥiy ɓetaa ƭaq, a rimanaang o ten.»

Esayi 54:6

O Yaal oxe kaa xoyatinong nen o tew oxaa waas’eena soo a jimboox na naqad.» Roog of kaa tee: «Nam o tew oxe jileena no ndeƥandoong naa a waage o waasit?›

Ke bindeena no xe ne’eena YOB 6:14

Oxe na coono’aa, xaariit um a waraan o yirim, a soƥangaa sax ee oxeene kaa saɗaratee o Cegu katil oxe.

1 Tesalonik 5:14

Fog we, in we maƭooxaa a nuun kene: Soqyo we tayilna, saƭakinaa we mboosna, ndimle’aa we neewna doole, njeg o muñ a ndeer no wiin we fop.

YEGIL MBAAX NE YEESU ne Saŋ a bindtuuna 20:15

Yeesu a layaan ee: «Tew oxe, xar taxu o loolaa? An o waaƭaa?» Mari kaa foog’u yee oxe na yetooxaa a ƭing ale me poy ke a ndefna yoo. Neene a layaan ee: «Yaal mbind! A soƥangaa yee wo ɗasnun, layaam me doonanoona, ndax um xotin.»

YEGIL MBAAX NE YEESU ne Saŋ a bindtuuna 20:13

A laya a Mari yee: «Ndi tew oxe, xar taxu o loolaa?» A doona a den ee: «Kaa o Yaal es a guuɗel, too andiim me da ƥisuuna.»

A kim a tedu ke 43:4

Maaga, xam matiid o sadaxand ole wo, matong, wo Roog fee o ɗaay es fo o mbelakinax es, soo xilmbanang, wo Roog fee refna Roog es.

Esayi 54:1

Wo fee o timar, felakinooxi. Wo fee moseerna o jeg o ƥiy too ñimiro xa ƭomel gaaj, ƴeeli a maak too ref no ɗaay, yaam o Yaal oxe xe layang ee: «Wo o tew oxe waaseena, ndiiki wo hupɗatu o tew oxe na dolooxaa xa ƥiy.»

2 Maad we 8:12

Hasa’el a laamtaan ee: «O yaal es, xar taxu o loolaa?» Eliise a doonaan ee: «Yaam kaam and paaxeer ke o fi’kaa Ii-isra’el we. Xan o raaɓ teeru cegu saŋe ke den, xa pes axe den, o warit a den laƥ, duguñ xa teɓandoong axe den, soo rew we den na mbudkaa, o xiir a den.»

1 Sami’el 1:7

O hiid oluu refna, leng kut ke xewoogu, a mbanuu Xaan a gar’ina no Mbind ne no Yaal oxe. No jaf leene itam, Peninaa a naqadilaan boo ta loolaa, a jaranin ta fañ o ñaam.