1 Sami’el 1:3 - NQAARIIT NE ROOG

³ O hiid oluu refna koy, Elkana kaa inoortoogu Rama, a ret no saax laa Silo, ndax ta faɗoox o Yaal oxe Hupna fop, a ɓoxotin sadax. Xa ƥiy xa ƭaq axe Eeli, ndefna Hofni fa Finees, saasadax no Yaal oxe a ndeeƭu maaga.

1 Sami’el 1:3 Referans Kwoze

YEGIL MBAAX NE YEESU ne Lik a bindtuuna 2:41

O hiid oluu fad’ina, we ndimna a Yeesu kaa ndetoogu Yeerusaleem na Xew fee na colandax ale.

Yosuwe 18:1

A cinj ye Ii-isra’el we a njaɓna saax le, a mbokatoora Silo den fop, a sip maaga Ƭiif ne o Yaal oxe a xetteel.

A sutax ale 34:23

Neene, a caf a tadak o hiid oluu watna, goor we na xeet nuun fat a ngaraa me mi fee o Yaal oxe na refkaa boo faw, ref Roog fee Isra’el.

A sutax ale 23:14

«O hiid oluu refna, nu mbara o ndoofandaa qew tadik kaa nu simattaxam.

1 Sami’el 1:21

Cinj kaaga, Elkana a yoona fo ƥasil um fop, da ndet Silo, ndax ta ɓoxot o Yaal oxe sadax ne ta fi’tooguuna o hiid oluu refna fo sadax fa mbadnir a tegit.

1 Sami’el 1:9

A cinj ye lakas we a ñaamna, Xaan a reta no ndokand naa no Mbind ne no Yaal oxe refna Silo. Eeli, o saasadax oxe kaa moof’u no duɗand le paam o don-maax ole no Mbind ne no Yaal oxe.

A cangatin ale 16:16

Goor we na xeet nuun fat a ngaraa a caf a tadak o hiid oluu watna mbaambir no Yaal oxe Roog nuun no mbiñ onqe ta jilkaa, ta ref na Xew fee no puuru canja’e ke fo na Xew fee no pes ɓetuu ƭik takooxiidu ke fo na Xew fee no ƭiif ke. Ba nu ngar mbaambir no Yaal oxe koy fo xa ƥay xa ƥor,

Haahate we 18:31

A ngeekana a qoox den, no camaane ke o faɗoorand ole a refna kam Silo, nitaal sexe ne Mise a fi’’ina.

A kim a tedu ke 78:60

A xaƴa Ngenand ne ten kam Silo, refna Ƭiif ne ta sip’ina a ndeer no wiin we.

1 Sami’el 4:11

Fiifilista we a njaɓa arka ne Roog, soo xa ƥiy xa ƭaq axe Eeli, ndefna Hofni fa Finees, a nqon.

1 Sami’el 4:4

A ndalfooxa o lul wiin Silo, da ƈuf a nqotik arka ne no ngiɓoor ne no Yaal oxe Hupna fop, too pindel yeeyetax ƭik a ndeegoox uum-maamaad le ten. Xa ƥiy xa ƭaq axe Eeli ndefna Hofni fa Finees a yooniid’a fo arka ne no ngiɓoor ne Roog.

1 Sami’el 3:13

Maƭooxaam a Eeli yee xam gen no xawaa ƥasil um yaam tooñ um. Xa ƥeem kaa mbenaam, ta andin boo a ƴut, soo a xaƴ a den teen.

1 Sami’el 2:34

Ke na dalkaa xa ƥiy xa ƭaq axe wo ndefna Hofni fa Finees, xan a refanong o anddiloor no keene: Den ɗik fop no ñaal leng kut a nqonkaa.

A sutax ale 23:17

Neene, a caf a tadak o hiid oluu watna goor we na xeet nuun fat a ngaraa me mi fee o Yaal oxe na refkaa boo faw.

Haahate we 21:19

Maaga, a laya yee: «Mee ndax o hiid oluu refna a jega xew fee no Yaal oxe na roofandeel kam Silo fee fodna a Betel no ɓemb-roog o janoon, a garit no batand ne na ƭat ale ndeer Betel fa Sikeem soo a garit a Lebona no ɓemb-roog o ñamaak.»

1 Sami’el 2:19

O hiid oluu refna, ya Sami’el a fi’anooga a Sami’el o mborok, a ɓisiidin o ten, yaa da ngaraa Silo, ten fo o kor um, ndax da ƥoxot o Yaal oxe sadax fee da mbi’aa o hiid oluu refna.

1 Sami’el 14:3

Ahiya fee o ƥiy Ahituub fee reeƭna o ƥiy no ndeɓ Ikabood saqoogu o jamb ole. (Ikabood koy, o ƥiy Finees a reeƭu, a ref o ndaan Eeli fee reeƭna o saasadax oxe no Yaal oxe kam Silo). O leng no xiixire we and’ee yee Yoonatan a reta.