1 Sami’el 1:19 - NQAARIIT NE ROOG

¹⁹ No feet olaa ƥiiɓ cuc, Elkana fo ƥasil um fop a ndeta, a ngung mbaambir no Yaal oxe, a mbaɗooxin, cinj kaaga da nomtoox, a nqaad Rama. Elkana a yoona fa Xaan fee o teem, too o Yaal oxe a jaɓa a qeƭ ake Xaan.

1 Sami’el 1:19 Referans Kwoze

Mberaand 21:1

O Yaal oxe a wetandooxa ke ta reg’ina a Saara, a fi’antin o ten ne ta layit’uuna.

1 Sami’el 1:11

A regta too a lay ee: «O Yaal oxe, wo fee Hupna fop, a soƥangaa yee a kid of a ndoonooxa took es, mi fee naqadilooxna, ƴufgaam. O weecangiraam, mi fee o ceefeer of, ci’aam o ƥiy o ngoor, yaaga xam kesanong o ten no ñoow o ñis um fop, too ruusooxkee boo muk.»

Mberaand 30:22

Roog a wetandooxa a Rakel, a jaɓ a qeƭ um, soo a fi’in o tiirim.

Mberaand 4:1

Aadama a yoona fa Awa fee o teem, ta rok o fud, a ñoot a Kayin, soo a lay ee: «Sakaam o kiin no ndimle no Yaal oxe.»

YEGIL MBAAX NE YEESU ne Lik a bindtuuna 23:42

Maaga, a laya a Yeesu yee: «Yeesu, ngela wetandooxaam yaa o rokkaa no maat of!»

Mark 1:35

No feet olaa ƥiiɓ teel, a soƥ ta maad o niɓaanaa, Yeesu a inooxa a sutoox mbind naa. A reta boo tafil saate faa no mbiñ o mbootu, soo a ref no xeɗaa.

A kim a tedu ke 119:147

Kaam xeɗang boo mbeet ne a helko fo leelaa, cungaa ke hatna no don of.

A kim a tedu ke 55:17

Mi o mat, o Yaal oxe Roog um ƴufginooxaa, too xan a muclaam.

A kim a tedu ke 25:7

Ba o wetandoox pakaad ke no ndeƥandoong es, too ba o damtaam tooñ es. Ɗeettaam o mbeq of, wo fee faaxna, wo o Yaal oxe.

1 Sami’el 9:26

No feet nqes olaa, no mbuyukuun naa, Sami’el a xoya a Sawul fee reeƭna took taax naa, a layin ee: «Inooxi, xam weltong o ret.» Sawul a inooxa, da sutooxiid no mbed onqe, den ɗik.

Mberaand 8:1

Roog a wetandooxa a Nowe fo muumeen ke fo cegel ke ndeeƭna fo ten na kaal ale fop. Roog a wuuɗa nqeñ took lanq ke soo poofi ke a mbaajoox.

A kim a tedu ke 136:23

ten oxe wetandooxna a in kam o xeefel in, yaam o mbeq um xan a maadaa boo faw,

A kim a tedu ke 5:3

Roog o maad es, nan-gilooxaam yaa um falalooxang, yaam wo o mat um xeɗaa.

1 Sami’el 2:11

Cinj kaaga, Elkanayiin a nqaada Rama, soo o njaaƈ onqe a yoq Silo maa Eeli, o saasadax oxe, ndax ta jalan o Yaal oxe.

1 Sami’el 1:1

A jeg’a o koor oxaa gen’ina na teeru faa Rama, na xa coong axaa Efrayim, a fog na qaw ale Suuf. Elkana a ne’’e, a fog no kurcala le Efrayim. Ten fa xoox um koy, o ƥiy Yeroham a reeƭu, Yeroham a ref o ƥiy Elihu, Elihu a ref o ƥiy Tohu, soo Tohu a ref o ƥiy Suuf.

1 Sami’el 7:17

Cinj kaaga, a gatooga Rama, me mbind um a reeƭna. Maaga a ɗoxtoogu xeet fee Isra’el, a maxan maaga o Yaal oxe o sadaxand.

Yosuwe 18:25

A jeg’ahina a Gibe’on, Rama, Beerot,

1 Sami’el 8:4

Ten taxu maak we Isra’el fop a mbokatoora, a soƥik a Sami’el Rama,

1 Sami’el 15:34

Cinj kaaga, Sami’el a xaada Rama, soo Sawul a xaad Gibe’a fee Sawul.

1 Sami’el 16:13

Sami’el a janga o jan diwliin ole, a ɗuumit a Dawid a ndeer maag we ten. Yiif le Roog a fudooxa na Dawid, a ref fo ten no kaa xotitna no ñaal naaga. Cinj kaaga, Sami’el a xaada Rama.

1 Sami’el 19:18

Neene mat Dawid a ƴuftu boo a daɗ. A reta Rama maa Sami’el, a wetandooxin ke Sawul a fi’’uuna fop. Cinj kaaga, a yoona, a ndalik Nayot refna ref ngenand ne no duleer we Roog, a moof maaga.

1 Sami’el 25:1

Sami’el a xona, too Ii-isra’el we fop a mbokatoora, ndax da mboyin. A ngasaan na teeru faa Rama, me ta gen’ina. Cinj kaaga, Dawid a inooxa, a ret na koƥ-a-ƥor alaa Paaraan.

2 Maad we 4:17

Kaa koy, o tew oxaa a roka o fud soo na mbaan faa na waxtu fa leng kut fee ta ñoot o ƥiy o ngoor, ne Eliise a layit’uuna o ten.