1 Sami’el 1:15 - NQAARIIT NE ROOG

¹⁵ Xaan a doonaan ee: «Ha’aa, o yaal es, wayiim de, kaam torox. Ga’iim sax maa sangara a farna, ndaa kaam diisoogu o Yaal oxe ke refna kam xeeñ es.

1 Sami’el 1:15 Referans Kwoze

A kim a tedu ke 62:8

A muc es fo o ndam es na Roog a ngataa. Ten refu ɓil jegu doole es fo njaɓnooxand es.

A ƭomatax ake 2:19

Inooxi, jibin xa iin no ndokand ne na yetax ake no yeng ole! Caari ke refna kam of nen foofi mbaambir no Yaal oxe! Letni xa ƥay of farna fo ten yaam o ñis na xa ƥeef xa tutuuñ axe na nqonaa fo nqeex no kooñ ke no ped ke fop!

A kim a tedu ke 42:4

Xa kooniit es ndefu ñaamel es ñaal fo o yeng, yaa um layeel kili yee: «Taa Roog of?»

A kim a tedu ke 143:6

Mexe letnaa xa ƥay es farna fa wo, o laaw es kaa hoɗomel a wo nen lanq beeru koroŋ. A maaf

Xa peƭit axe 15:1

O doonanqol o ɓuuɓu kaa ɓoosdandaa fuux, fa lay fa ñexetu mat a umban.

Ke bindeena no xe ne’eena YOB 30:16

Ndiiki koy, o laaw es oxe ɓutaa kam es, ñaal ke no coono ke a ndaawaam.

Xa peƭit axe 25:15

Na pexey o muñ waagaa o ɗooqloox o kelwaar, too fa lay fa ƥuuɓu a waaga ɓol cer.

1 Sami’el 1:16

Ba o ɗeetaam muk, mi fee o ceefeer of, nen o tew o paaxeer. O ga’angaa a qeƭ es a miñit neeke, andi rek ee xeeñ es kaa may muut fo coono fo naqad.»

1 Sami’el 7:6

A mbokatoora Mispa, a ƈeew foofi, a ƥaxin mbaambir no Yaal oxe soo a ngoor ñaal naaga fop. Maaga a laytu yee: «I tooña o Yaal oxe!» Maaga Sami’el a hate’toogu itam we ndaawroogna na xeet fee.

A kim a tedu ke 62:9

Nuun xeet fee, ngoolooxeenoo na waxtu fuu refna, ndoxneenoo ke fidna a nuun. Roog refu njaɓnooxand in. A maaf

Xa peƭit axe 14:10

Naqad no xeeñ no yaal um a dayaa, o ɗaay um itam, o leng waagiran o xaajir fo ten.