1 Sami’el 1:11 - NQAARIIT NE ROOG

¹¹ A regta too a lay ee: «O Yaal oxe, wo fee Hupna fop, a soƥangaa yee a kid of a ndoonooxa took es, mi fee naqadilooxna, ƴufgaam. O weecangiraam, mi fee o ceefeer of, ci’aam o ƥiy o ngoor, yaaga xam kesanong o ten no ñoow o ñis um fop, too ruusooxkee boo muk.»

1 Sami’el 1:11 Referans Kwoze

Haahate we 13:5

yaam xan o ref fo fud, ñoot o ƥiy o ngoor. Waree o ruusoox muk, yaam o goor oleene xan a kesanel a Roog no ke xotitna no fud ya um. Ten na ferkaa o wat Ii-isra’el we na xa ƥay no Fiifilista we.»

A lim ale 6:5

Na pe ake ta ɓoxotooxna, waree o ruusoox. Boo yaa a pe ake ta ɓoxotooxna no Yaal oxe a mbaafkaa, xan a ted. Fat a xaƴ wiil um ta maaktaa naa feluuna.

O baawaare xe 5:4

Ñak o regit moƴu yee o fi a tegit too fadnino.

Mberaand 29:32

Leya a roka o fud. A ñoota o ƥiy o ngoor, soo a ne’in Ruben, a lay ee: «O Yaal oxe a ga’a ne neewandteema, too me ta refna, xan o kor es a bugataam.»

A kim a tedu ke 25:18

Ga’i o ñaat es fo coono es, too waasanaam pakaad es fop.

1 Sami’el 1:19

No feet olaa ƥiiɓ cuc, Elkana fo ƥasil um fop a ndeta, a ngung mbaambir no Yaal oxe, a mbaɗooxin, cinj kaaga da nomtoox, a nqaad Rama. Elkana a yoona fa Xaan fee o teem, too o Yaal oxe a jaɓa a qeƭ ake Xaan.

Mberaand 30:22

Roog a wetandooxa a Rakel, a jaɓ a qeƭ um, soo a fi’in o tiirim.

Haahate we 11:30

Yefta a regoora fo o Yaal oxe yee: «O ɓoxotangaa Aa-amon we na xa ƥay es,

A lim ale 6:8

Fat a ted na pe ake ta ɓoxotooxna no Yaal oxe fop.

Mberaand 28:20

Yakoob a fi’a a tegit ee: «Roog a refangaa fa mi, a saytooxaxam na ñaaƈ es aleeke, a ci’aam ñoowir fo ñirax,

2 Sami’el 16:12

Xeƈa xan o Yaal oxe a ga naqad es, soo a salax ake salooxeema xaye, ta supit a den barke.»

A lim ale 21:2

Maaga, Ii-isra’el we a ndega o Yaal oxe kene: «Boo ɓoxotoona xeet fene na xa ƥay in, xan i kesanong a den fo teeru ke den soo ngef a den tuƈ.»

A lim ale 6:11

Fat o saasadax oxe a sadaxit leng no tiiƭ keene nen sadax fa mbaasnoor pakaad soo lakas ne nen sadax fa ndoxel, ndax ta jofoorandin fa mi no nqoolaƭar neene o dal ole a garitna. No ñaal leng kut neene, fat a kesanatin o Yaal oxe xoox le ten, a fañat o ruusoox.

A sutax ale 4:31

Maaga, a ngima. Ye Ii-isra’el we a andna yee o Yaal oxe a ɗeetiida a den, a ga coono den, a ngooknooxa soo a ngung a lanq.

Mberaand 8:1

Roog a wetandooxa a Nowe fo muumeen ke fo cegel ke ndeeƭna fo ten na kaal ale fop. Roog a wuuɗa nqeñ took lanq ke soo poofi ke a mbaajoox.

1 Sami’el 1:10

Xaan kaa gooy’u lool, a yogorloox, a loolaa, too kam xa lool axe a diisa o Yaal oxe coono um.

1 Sami’el 1:12

Ne Xaan a miñ’ina na qeƭ lool, a taxa Eeli a ref no horooxan.

1 Sami’el 1:22

No jaf laaga koy, Xaan ret’ee, yaam kaa lay’u a Elkana fee o kor um ee: «Kaam cungkaa boo o nqeq onqe a roɓ, um ɓisin Silo mbaambir no Yaal oxe, soo ta yoq maaga boo kili.»

1 Sami’el 1:27

Keeke refu o njaaƈ onqe loolooxooguuma o Yaal oxe kam a qeƭ es, too a ci’axam o ten.

1 Sami’el 1:28

Ten taxu mi itam, kaam bug o ci’in o Yaal oxe, ndax ta refanin no ñoow o ñis um fop.» Cinj kaaga, a ngunga mbaambir no Yaal oxe, a mbaɗooxin.

1 Sami’el 2:20

Mbanuu da ngar’ina, Eeli a barke’ooga a Elkana fo o teem soo a lay a Elkana yee: «Yaasam o Yaal oxe a ci’ong xa ƥiy xa lakas fo o tew oxene, ndax da ndondand oxe ta ci’na o Yaal oxe.» Cinj kaaga, a nqaadooga.

Xa peƭit axe 31:2

O ƥees, xar um laykang? Ndi xar um laykang a lay, wo o ƥees onqe rimooduuma? Xar um laykang, wo o ƥees onqe jegtuuma na qeƭ es?

A paɗax ale 27:2

ta daawin Ii-isra’el we kene: «A soƥangaa yee kaa jeg oxaa regitna o ɓoxot o Yaal oxe o kiin, fat a rabid xaaliis, a sogkaa ƴutoor fo ten na tegit um.