1 Sami’el 1:1 - NQAARIIT NE ROOG

¹ A jeg’a o koor oxaa gen’ina na teeru faa Rama, na xa coong axaa Efrayim, a fog na qaw ale Suuf. Elkana a ne’’e, a fog no kurcala le Efrayim. Ten fa xoox um koy, o ƥiy Yeroham a reeƭu, Yeroham a ref o ƥiy Elihu, Elihu a ref o ƥiy Tohu, soo Tohu a ref o ƥiy Suuf.

1 Sami’el 1:1 Referans Kwoze

1 Caloori ke 6:34

Aaroon fo xa ƥeem ƥoxotoogu sadax ke took o sadaxand ole no sadax toxel ke fa cuuraay fee took o sadaxand ole no qeeñe-xeeñe ke. A topatooxooga fop kam o Mbiñ onqe moƴna o ted ndax da mbat Ii-isra’el we ne Moyiis fee o tag no Yaal oxe a heblit’uuna fop.

1 Sami’el 1:19

No feet olaa ƥiiɓ cuc, Elkana fo ƥasil um fop a ndeta, a ngung mbaambir no Yaal oxe, a mbaɗooxin, cinj kaaga da nomtoox, a nqaad Rama. Elkana a yoona fa Xaan fee o teem, too o Yaal oxe a jaɓa a qeƭ ake Xaan.

Ruut 1:2

O koor oxeene Elimelek a ne’’e, o teem a ne’el Nowemi, soo xa ƥiy xa ƭaq axe den a ne’el Maxlon fa Kilyon. Na qaw ale Efrata a mbog’u, a ngen Betleheem no lanq kaa Yudaa. A ngara a ndal na xa saawit axaa Mowaab, a ngenaa maaga.

1 Sami’el 17:12

Dawid koy, o ƥiy Isay, o Ee-efrata xe gen’ina Betleheem fee Yudaa a reeƭu. Isay a jeg’a xa ƥiy xa koor ɓetaa tadaq, too na jamaane Sawul a soƥ’a ta nogoyat lool.

1 Sami’el 9:5

Ye da mbadiidna no jegel olaa Suuf, Sawul a laya o tag um oxe yoon’ina fo ten ee: «Gari i nomtoox, yaam ndik faap es a weecat xa paam axe soo a jambataa a in.»

Haahate we 19:1

Na jamaane faaga o maad a jeg’eerna kam Isra’el, o Leelewi a genooga no cat kaa no joong olaa Efrayim. A xotit’a o tew Betleheem kam Yudaa.

Haahate we 17:1

A jeg’a o koor oxaa genoogna no joong olaa Efrayim, a ne’el Mise.

Mace 27:57

No kirand naa, o kiin o cegu halal oxaa gen’ina Arimate too a ne’el Yoseef a fadiida. Ten itam o taalbe Yeesu a reeƭatu.

Haahate we 12:5

Gaagalaad we a ƭega Ee-efrayim we cootand ke Yordaan. Mbanuu o leng no Ee-efrayim we ƈufoogna a bug’ina o joot, Gaagalaad we a laamtoogaan ee: «Ndax o Ee-efrayim refo?» A doon’angaa yee: «Ha’aa»,

Yosuwe 24:33

Eleyasaar fee o ƥiy Aaroon a xona itam soo a gasel Gibe’a refna teeru fee Finees fee o ƥeem a las’eena no jegel olaa na xa coong axaa Efrayim.

1 Maad we 11:26

Yerobowam o ƥiy Nebat a reeƭu, a ref o Ee-efrayim, a gen Sereda, ya um a ref o ñaaw o ne’e Seruwa.

Ruut 4:22

Obed a rim a Isay, Isay a rim a Dawid.

1 Sami’el 2:11

Cinj kaaga, Elkanayiin a nqaada Rama, soo o njaaƈ onqe a yoq Silo maa Eeli, o saasadax oxe, ndax ta jalan o Yaal oxe.

1 Sami’el 7:17

Cinj kaaga, a gatooga Rama, me mbind um a reeƭna. Maaga a ɗoxtoogu xeet fee Isra’el, a maxan maaga o Yaal oxe o sadaxand.

1 Caloori ke 6:22

Sefaniya a ref o ƥiy Tahat, Tahat a ref o ƥiy Asiir, Asiir a ref o ƥiy Ebiyasaf, Ebiyasaf a ref o ƥiy Koora,

1 Caloori ke 6:33

Lakas we mbogna na carind ale Lewi ngadin’e calel ke kam Mbind Roog ne.

Haahate we 4:5

Kaa mer’u o moofaa ɗuga ngeec naa xoyoogateena Ngeec ne Debora, reeƭna ndeer Rama fa Betel no joong olaa Efrayim. Ii-isra’el we a layoorkooga maa ten, ndax da ngate’el.

1 Sami’el 9:4

A nqaaña xa coong axaa Efrayim, a nqaañ o jegel olaa Salisa too nga’ee a den. A nqaaña o jegel olaa Saliim, too dara, a nqaañ o jegel olaa Bensame, nga’ahinee a den.

1 Caloori ke 6:12

Nahat a rim a Eliyab, Eliyab a rim a Yeroham, Yeroham a rim a Elkana, Elkana a rim a Sami’el,