1 Piyeer 3:3 - NQAARIIT NE ROOG

³ Baa a qendandax nuun a day tafil soom nen maar qenu mbaat a tokax wurus mbaat toki mosu,

1 Piyeer 3:3 Referans Kwoze

O leetar ole Pool a bindna GIMU WE NGENNA ROM 12:2

Ba nu nandandoor we na ndeefaa o mbaax onqe na adna feeke. Njaɓyo boog Roog a supit a yiif nuun, ndax nu mbaag o njeg a qalaat a qas boo nu and ke Roog a bugna, ta ref fop ke faaxna fo ke felna fo ke ñakna sik.

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

Yeremi 4:30

Kaa koy, wo Yeerusaleem fee bayteena, xar o fi’kaa? Kaa o rokooxaa tikoorik taalde’u, heloortaa kumooxel wurus, tusngul a kid of. Kaa o mosandooxaa na dara. Xa pes axe wo kaa sibatong, o mbarong doŋ a mbugu.

Yeremi 2:32

Ndax o njaaƈ o ndoog a naaga weecaa kelax um, mbaat o kulook a weec o qap um? Xeet es o mat a mbeecaxam, yaa leng a andeerna.

Esayi 52:1

Wo Siyoŋ, yokooxi, ñofi yokoox, jegatin doole. Wo Yeerusaleem, teeru fa tedu fee, rokooxi toki of ke moƴna o mos, yaam o qucooxeer mbaat o qoolaƭaru dakkatee me wo.

A sutax ale 33:4

Ye xeet fee a nanna fa lay fa ñexetu faaga, a ngooy’a, too o leng na den saɗatee o rokoox kaa na mosandaa.

Mberaand 24:53

O tag oxe a suta pi’te xaaliis fo pi’te wurus fo tikoorik mosu, a ci’in a Rebeka. A ci’a itam o camin um fa ya um ɗaŋ maak.

Mberaand 24:47

Laamtaanum ee: ‹O ƥiy an refo?› A doonaxam ee: ‹O ƥiy Betwel fee o ƥiy Milka fa Nakoor.› Maaga, rokanaanum o heɗ ole no ñis fo xa ƈang axe na xa ƥay axe.

Mberaand 24:22

Ye keeleemb ke a yerna boo a ƈut, o koor oxe a janga o heɗ wurus olaa o meɗel um a fi’na genwal o sekel fo xa ƈang wurus xa ƭaq axaa o meɗel den a fi’na xa sekel xarɓaxay, a rokan a den o toog oxe.

A kim a tedu ke 45:9

Toki ke wo fop owe nqeeñaa miir fa alowes fa yaate. Fo nqilimb ne na mbangoortaa no pind ke mosandteena a ñiiñ fa ñiig owe mbelakinang.

A sutax ale 38:8

A fi’ta o roon o ɓogdinoor ole fo tiƈoor um xanjar. Xanjar feene koy, na xa ƭeendoor axe no rew we mbadnoogna o far den no ndokand ne no Ƭiif ne o Yaal oxe a xetteel, a hat’u.

A sutax ale 32:2

Aaroon a doona a den ee: «Mbolyo xa keɗ wurus axe rew we nuun fo xa ƥiy xa koor axe fo xa ƥiy xa tew axe nuun a ndokooxna no nof, too ƥisiidaam a den.»

Heseki’el 23:40

A mbaaƭa sax goor waa inoortiidna koƭu, a lul maa den wiin, too den oo a ngara. Ɓogooxanaa a den, tusngul a kid of, rokoox kelax mosandoor ke wo.

Esteer 5:1

No ñaal ndadkandeer ne no koor ne, Esteer a rokooxa toki no maad ke ten soo a ret no maax-kam olaa no mbind no maad ne, a jasnoor fo a ndok ale no uum le. O maad oxe kaa moof’u no uum-maamaad le ten, a jasnoor fo ndokand ne.

A sutax ale 35:22

Goor oo, rew oo, fop a ngarooga. Oxuu xeeñ um a let’ina teen, ɓisiidoogaa o fekir mbaat o loŋ-loŋ mbaat o heɗ o ɓay mbaat ceq wurus fo kuu andoona yee wurus oo. Oxuu refna na den a yaanda ci’it wurus um, a ɓoxotin o Yaal oxe.

A sutax ale 3:22

O tew oxuu refna xan a xeɗ o tew o kend um fo o tew oxaa ta fogitna mbind, kaa fi’teena xaaliis fo kaa fi’teena wurus fo toki kaa nu ndokanna xa ƥiy xa koor nuun fo xa ƥiy xa tew nuun. Neene, xan nu njegit no Miimisira we halal.»

2 Maad we 9:30

Isebel a yega fop ke xew’ina. Maaga, a tusngulooxa, a heloox. Ye Yehu a rokiidaa Yisre’el, Isebel a foda no falangteer olaa, a wootnooxaa.

1 Piyeer 3:2

yaam ne da nga’kaa o ñoowooƭ nuun o ñaku ƥanjel ole, too a war o niwel.