1 Piyeer 1:2 - NQAARIIT NE ROOG

² Roog Faap fee kaa jil a nuun, yaam kaa yuuɓ’un no mberaand naa, ndax nu kesel na pexey Yiif Tedu le, nanan a Yeesu Kiristaa, soo nqoolandtel fo’oy le ten. Yaasam yirmande fa jam a mayƭandel took nuun!

1 Piyeer 1:2 Referans Kwoze

2 Tesalonik 2:13

In o mat, kaa i mbar o ngidmanaa a nuun a Roog mbeet oo mbeet, nuun fog we o Yaal oxe a fexna. Kaa jil a nuun no mberaandoong naa, ndax ta muclit a nuun Yiif le na tedlandaa, fo yaam ne nu ngimna ndigil ne.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

Hebre 12:24

Kaam ee, nu matiida a Yeesu fee refna o ndok-a-ndeer onqe no ngiɓoor nqas ne, matiid fo’oy le ten ɓaxeena, too a regaa a nuun kaa moƴna le Abel.

O leetar ole Pool a bindna GIMU WE NGENNA ROM 11:2

Roog deɓee xeet um feene ta jilna yaaga. Mee ndax nu anda a paax ke a Pind a Tedu ke a layna, na betandax ale me o tuleer Eliya a ɗomatoortoogna a Isra’el mbaambir Roog,

2 Piyeer 1:2

Yaasam nu njeg yirmande fa jam na pexey o and ole Roog fa Yeesu fee o Yaal in.

A pi ake 2:23

O kiin oxeene, kaa nu ƥoxotel o ten no ke Roog a heboox’ina. Keene koy, Roog kaa yuuɓ’un yaaga. Nu ndengaan na teex, ndax nu mbarnoorin na xa ƥay axe no we ndefeerna Yaawuur.

O leetar ole Pool a bindna GIMU WE NGENNA ROM 16:26

Ndiiki, kaa feeñlel kam a safe ke no duleer we, ne Roog fee na refkaa boo faw a heblituuna. Keene koy kaa andnoorel qeet ke fop, ndax da ngim, too a nanan.

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

Mark 13:27

A koom, xan a luliid malaaka ke ten na xa saax xa nahaq axe no lanq ke, ndax da mbokat we ta jilna, no ke xotitna no cat adna boo no cat asamaan.»

Mark 13:20

Boo o Yaal oxe a wañ’eerna ñaal kaaga, o leng muckoogee. Kaa koy, xan a wañ a den yaam we ta jilanna a xoox um.

Hebre 10:22

Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.

O leetar ole Pool a bindna GIMU WE NGENNA ROM 16:19

Kaa koy, fop a anda ne nu nananitna Yegil mbaax ne. Kaam felakinoortaa a nuun, ndaa itam bugaam nu njeg o and olaa nu mbi’taa paax, njeg itam o qoolel, mbootoox paaxeer.

O leetar ole Pool a bindna GIMU WE NGENNA ROM 8:33

An saɗu moof a jambaa we Roog a jilna? O leng saɗiran, yaam Roog o mat ɗeetu a den nen jofu.

YEGIL MBAAX NE YEESU ne Lik a bindtuuna 18:7

Ndax kaa Roog dimle’kee xeet um, na nqeɗan ñaal fo o yeng? Ndi kaa yapatilkaa a den?

Mace 24:24

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor xa magnu fo comlaand, ndax da nax we Roog a jilna sax, a mbaagangaan.

Mace 24:22

Boo ñaal kaaga a mbañ’aandeena, o leng muckoogee, ndaa xan a mbañel yaam we njileena.

A cangatin ale 7:6

Kaa nu ndef xeet faa kesaneena o Yaal oxe Roog nuun. Ten jilu a nuun, ndax nu ndef xeet faa ta jegoodna a ndeer qeet lakas ke no lanq ke fop.»

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

Hebre 11:28

O ngim tax’u Moyiis a dalin a Colandax ale, soo a hebil fo’oy le a ɗuumel took begax ke, ndax malaaka fee na fa nqon fee warkee taaw ke no Ii-isra’el we.

O leetar ole Pool a bindna GIMU WE NGENNA ROM 15:16

boo um ref o caajal Kiristaa Yeesu me no we ndefeerna Yaawuur. Kaam fadnaa calel tedu, yaa um waare’aa Yegil mbaax ne Roog, ndax qeet ke ndefeerna Yaawuur a ndef sadax faa felna a Roog, sadax fa ñaku sik na pexey Yiif Tedu le.

O leetar ole Pool a bindna GIMU WE NGENNA ROM 8:13

Boo nu ñoowaa no ke cer ke nuun a mbugna xan nu nqon, ndaa boo Yiif le Roog a taxna nu mbar a pesoorooƭ ale no cer ke nuun, xan nu njeg o ñoow.

O leetar ole Pool a bindna GIMU WE NGENNA ROM 1:7

Nuun fop we ngenna na teeru faa Rom, too Roog a fex a nuun, nuun we tedna na pexey o xoy ole ten, mexe simnaa a nuun: Yaasam Roog Faap in fo o Yaal oxe Yeesu Kiristaa a ci a nuun yirmande fa jam.

O leetar ole Pool a bindna GIMU WE NGENNA ROM 1:5

No ten daawtum yirmande fo waag o ref apootar boo qicaa qeet ke fop, da ngim no ten, too a nananin, ndax gon um a simatel.

A pi ake 15:18

Keene mat o Yaal oxe a layu, too ten andnoorun no mberaand naa.› »

Dañel 4:1

«Mi Nebukadnesaar, kaam yaadoox’u, ɗaay bo no mbind no maad es.

Esayi 65:22

Maxkatee ndax o lakas a genin, too njimbkatee ndax o lakas a muudoorin. Xeet es xan a nquuɗ nen taxar ke, we jiluuma xan a muudoor jale den.

Yudaa 1:2

Yaasam Roog a gen no mayƭandaa took nuun yirmande fa jam fo o mbeq.

Hebre 5:9

Neene a ñaktu sik, boo a refat a cur a muc a pagkeer ale no we nananuuna fop.

Kolos 3:12

Neene itam, nen waa Roog a jilna nu mbog no ten, ta fex a nuun, fat nu mbof yirmande fo o paaxel fo a neewandax fo o ɓuuɓ fo o muñ.

2 Korint 10:5

nduguñaa a magnandax aluu na yaqanaa o and a Roog, soo tañ-tañnaa a qalaat akuu ndefna ndax da nanan a Kiristaa.

O leetar ole Pool a bindna GIMU WE NGENNA ROM 11:28

Ne Yaawuur we a mbañna Yegil mbaax ne koy, fañ Roog a ndefatu, ta ref na nuun paax, nuun we ndefeerna Yaawuur. Kaa koy, ne Roog a jilna a den, a maada o fexaa a den boo xaye yaam daan we den,

A pi ake 20:32

Ndiiki koy, mexe fokataa a nuun fa Roog, fokataa a nuun itam fo fa lay fee na yirmande um. Fa lay feene waagu o saƭakin a nuun, too a ci a nuun paax ke ta geekanna we mbogna no ten.

Tiit 1:1

Mi Pool fee o paɗ Roog fo apootar Yeesu Kiristaa na bindang o leetar oleeke. Yeesu Kiristaa kaa lulaam, ndax um andnoor we Roog a jilna o ngim onqe, da and ndigil ne refna no reef a Roog,

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

Mark 13:22

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor fo comlaand, ndax da nax we Roog a jilna sax, a mbaagangaan.

Mace 24:31

Xan a luliid malaaka ke ten fo a luuƥ ale na bugko jibaa a maak, too xan a mbokat we ta jilna na xa saax xa nahaq axe, kaa xotitna no cat boo no cat asamaan.»

Esayi 55:7

Fat o soxodu xe a waas a ƭat um, o piifi paaxeer oxe a supit a qalaat um. Fat a ngeleeroox farna fo o Yaal oxe na yirimkaa a den, a njaɓnoox na Roog in fee na waasantaa boo ta dey sik.

2Saŋ 1:13

Mbokatax ne no gimu we meeke fop owe simnang.

2Saŋ 1:1

Mi fee refna o maak kam mbokatax ne no gimu we na bindang o leetar oleeke, wo fee refna yaay na mi, wo fee Roog a jilna, wo fo xa ƥeef axe fexuuma tigi. Refee yee mi doŋ fexu a nuun, ndaa fop we andna ndigil ne.

Dañel 6:25

Cinj kaaga, o maad oxe a heblita ndax we njamboogna a Dañel a njoorel me cogoy ke a mbegeena, den fo xa ƥiy den fo rew den. Ye da ngelkaa fo mbad kam fee sax, cogoy ke a songa a den, a mbandir a den.

Esayi 65:9

Xam sutit na Yakoob o ndaan, kaam ee xam sutit na carind ale Yudaa oxe na lamkaa o joong o tedu le mi. We um jilkaa xan a njegin, dag es a ngenik teen.

A paɗax ale 1:5

Fat a xiris nqoox ne mbaambir no Yaal oxe, saasadax we ndefna xa ƥiy xa koor axe Aaroon a ƥoxot fo’oy le soo a mbiisin me widna o sadaxand ole refna no ndokand ne no Ƭiif ne.

1 Piyeer 1:14

Nen xa teɓandoong Roog axaa nananuuna, ba nu ndeefan a yaaw ake nu njeg’ina yaaga, ye nu njeg’afuleerna o and.

1 Piyeer 1:19

ndaa fo’oy fo jegu njiriiñ ole Kiristaa, sadaxteena nen o mbaal o njegee sik fo gak.

1 Piyeer 1:20

Roog kaa jil’un yaaga adna sakafulaand, soo a feeñlanin a nuun ndiiki na jamaane fa mbalakaand fee.