1 Piyeer 1:1 - NQAARIIT NE ROOG

¹ Mi Piyeer fee apootar Yeesu Kiristaa na simnaa a nuun. Roog jilu a nuun, nuun we ndefna xa kataakoon xa pictooxu kam xa cegel axeeke: Pont fa Galati fa Kapados fa Asi fa Bitini.

1 Piyeer 1:1 Referans Kwoze

Saak 1:1

Mi Saak, o paɗ Roog fo o paɗ no Yaal oxe Yeesu Kiristaa refum. Mexe simnaa a nuun, nuun ƥasil ne Roog pictooxna kam adna fee fop.

Hebre 11:13

Wiin weene fop a nqona kam o ngim onqe. Ndaawee paax ke Roog a reg’ina a den. Den fa qoox den sax a laya yee genar fo waa laqooxiidna na adna feeke a ndefu. Kaa ƈookoogu paax keene koƭu, soo a simnaa a den.

Efees 2:19

Neene boog, nuun we ndefeerna Yaawuur, nu ndefatee genar mbaat xa kataakoon, ndaa waa mbogna na xeet fee Roog nu ndefatu, too no ƥasil ne ten nu mbogu.

A kim a tedu ke 44:11

Wo taxu i nomtoox a cinj mbaambir fañ in, soo da ñof o ƥerexiid, a mbuf o jeg in.

A pi ake 8:4

We pictoox’ina koy a mbidooga saax laa fop ndeer o mbiñ fo mbiñ, a yegnitaa Yegil mbaax ne.

YEGIL MBAAX NE YEESU ne Saŋ a bindtuuna 11:52

Reeƭee koy soom yaam xeet fee, ndaa ndax xa ƥiy Roog axe pictoorna a nqurel, a ndefat xeet fa leng koŋ.

Mace 24:22

Boo ñaal kaaga a mbañ’aandeena, o leng muckoogee, ndaa xan a mbañel yaam we njileena.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

Esteer 3:8

Haamaan a laya o maad Asuwerus ee: «Daali maad, kaa jeg xeet faa ndefna xeet a qoox den, a pasaroox kam xa cegel axe no maat of fop. Kebil den kaa njektir fo ke no qeet lakas ke fop, too ndeefkee muk bargal of. Refkee ngoora of, yaa xaƴoona a den fo njaambuur den.

A cangatin ale 28:64

soo o Yaal oxe a pasar a nuun a ndeer qeet ke fop, xotitna no cat adna boo no cat lakas. Xan nu ndagooxaa maaga roog lakas kaa nu andeerna, daan nuun and’iran, roog kaa ndefna a teex fo a ƥil.

A cangatin ale 4:27

Xan o Yaal oxe a pasar a nuun a ndeer qeet ke, nu ndefat o yoqatin o ndutuuñ na saax ake o Yaal oxe a ɓiskaa a nuun.

2 Piyeer 1:1

Mi Simoŋ Piyeer, refna o paɗ fo apootar Yeesu Kiristaa na simnaa a nuun. Kaa nu ndaaw o ngim o mbooru nqe fodna fo onqe in njigand na pexey o cofel ole Roog in fo o Muumucil in Yeesu Kiristaa:

Efees 2:12

No camaane kaaga, kaa nu ngoƭatir’u fa Kiristaa, ndef genar. Nu mbog’ee na xeet fee Roog a jilna. Nu mbog’ee itam no kiɓoor ke ndalin’eena took a tegit ale Roog a fi’anna xeet um. Kaa nu ñoowoogu na adna fee, ñak yaakaar soo ñak a Roog.

2 Korint 1:8

Fog we, yaag oo toox de, i mbugee o mbaas a nuun no ñak-o-and no kaa farna no torox ole dalit’ina a in kam o jegel ole Asi. Kaa i naang’el ceq, ƥiiklel o saax oo saax, coono faa hupna doole in a dal took in, boo i ñak’atu yaakaar naa i ngeektaa o ñoow in sax.

A pi ake 18:2

A xet’a maaga fo o Yaawuur oxaa ne’eena Akilaas, a rimel no jegel olaa Pont. Akilaas kaa sog’u o fadiidaa, a inoor Itali, ten fa Pirisil fee o teem, yaam o maad o maak Kolood kaa hebil’u yee fat Yaawuur we fop a sutoox teeru faa Rom. Pool a ɗeetik’a a den.

Heseki’el 6:8

Kaa koy, yaa nu pasarkeel na saax a pogreer xam xaƴan a nuun yoqatin, waa mucitna na xire.

Mbeeñil 1:11

Kaa layoogu yee: «Ke o ga’aa, bindeen no safe, lultin pokatax ɓetuu ƭik kaa ndefna kam teeru keeke: Efees fa Ismir fa Pergaam fa Tiyatiir fa Sardes fa Filadelfi fa Lawodise.»

2 Timote 1:15

Refee andaa yee Aa-asi we fop a mbesaxam a cinj, boo no goor wene: Figel fa Hermosen.

Galati 1:2

Mi na bindaa a nuun, mi fo fog we ndefna fa mi fop, nuun pokatax ke ndefna kam o jegel ole Galati.

1 Korint 16:19

Gimu we ndefna Asi fop mbokatooru, a simnaa a nuun. Akilaas fa Pirisil fo gimu we na mbokatooraa no mbind den owe simnaa a nuun a paax itam no Yaal oxe.

A pi ake 19:10

O jaf olaaga na Pool a miñ’a boo xa kiid xa ƭaq, boo Yaawuur we fo we ndefeerna Yaawuur ngen’ina no jegel olaa Asi a nan fa lay fee no Yaal oxe.

A pi ake 18:23

A yoqa maaga miñu, cinj kaaga ta ret. A xaaña o jegel olaa Galati fo olaa Firigi, a saƭakinaa daalbe we fop no ngim den.

A pi ake 6:9

Goor leng-leng a mbañrooga fo ten: Den ndeeƭu we mbog’ina no mbind a qeƭ naa xoyoogeena «Mbind ne no Faɗ wate we», weeke Yaawuur we Kireen fo we Aleksandiri, lakas we a ndef Yaawuur we Silisi fo we Asi. Wiin weene fop kaa ñimatiroogu fa Eceen,

YEGIL MBAAX NE YEESU ne Saŋ a bindtuuna 7:35

Naaga, Yaawuur we a layra yee: «Ndi mam a rokkaa boo i mbaagkiran o nga? Ndax kaa retaa kam teeru ke no Geegeres we, maa ta waagna o soƥ xeet fee in pictoorna, soo a jangin itam we ndefeerna Yaawuur?

Mace 10:2

A kon ake no apootar xarɓaxay fo apootar ɗik we ndefu: Oxe eetna refu Simoŋ fee na lastiteel Piyeer, soo Andare fee o ndeɓ um a doonoox, cinj kaaga, Saak o ƥiy Sebede fa Saŋ fee o ndeɓ um.

Mace 4:18

Yaa Yeesu a ñaaƴaa na ƥeeraamb alaa no Maag olaa Galile, a ga’a fog ɗik, Simoŋ fee na lastiteel Piyeer fa Andare fee o ndeɓ um. Kaa ndeɓoogu mbaal kam o maag olaa, yaam faafaal a ndeeƭu.

A paɗax ale 26:33

Xam picit a nuun a ndeer qeet lakas ke, ɗiir a nuun fo laƥ. Xan saax le nuun a gefel boo teeru ke nuun a mbes a pec.

A cangatin ale 32:26

Waag’aam o maƥit a den haaƭ leng, moocand betandoor den a ndeer no wiin we,

YEGIL MBAAX NE YEESU ne Lik a bindtuuna 18:7

Ndax kaa Roog dimle’kee xeet um, na nqeɗan ñaal fo o yeng? Ndi kaa yapatilkaa a den?