1 Korint 9:7 - NQAARIIT NE ROOG

⁷ No xiixire we, an na inooxaa, a ñoowaa no njiba um? An mosu o duuf a ƭing biiñ, too moɗee na xa tim axe? Nu mosa o nga o kaynaak oxaa xañteena a qaf fo sis no naak ke ta gayaa?

1 Korint 9:7 Referans Kwoze

Xa peƭit axe 27:18

Oxuu topatooxna ndun, a ñaam xa tim axaa, oxuu dagooxna o yaal mbind um a paax, a niwel.

A cangatin ale 20:6

Ndax a jega oxaa jimbna a ƭing taxar biiñ too ñimafulee xa tim axe? A soƥangaa yee a jega, fat a nomtoox no mbind um, yaam ndik ta xonit na xire faa, soo o lakas a ɓoor xa tim biiñ axe.

1 Timote 1:18

Timote, wo fee o ƥees, keeke refu a cangin ale um doxnang. Kaa yoon fo fa lay fee we na njo’tanaa a Roog a lay’ina na wo yaaga. Fa lay feene xan a saƭakinong, ndax o waag o maafrel njom mbaax,

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

A kim ale na kim ake 8:12

A ƭing taxar biiñ ale mi koy, mi jegoodun, yetooxan, xa qanjar juni xe mat wo jegun, wo Salomo, soo teemeed ƭik ke, jaajal we a njegin.

Xa peƭit axe 27:27

fo sis ole no pambe ke a ñoowong, wo fo ƥasil of, a ñoow jeefeer we wo.

2 Timote 4:7

Maafreem njom mbaax, fagiɗ o sep ole, too ɗapiim o ngim onqe.

1 Timote 6:12

Fat o gomrel ngomir mbaax ne o ngim a laamitna. Dami no ñoow o fagkeer ole taxna o xoyel, too o weejlitin o ngim of, wiin mayu a seede’in.

Esayi 7:22

Kaa koy, xan fo sis ole a naag gañ boo fo neew a ñaamateel. A woora yee, oxuu yoqna kam saax le fo sis fo suum a bugko ñoowtaa.

A cangatin ale 18:8

Xan a daawaa wargal no ñoowir um, ta ref a las alaa fodirna fo ake no lakas we, fogirkeerna fo ke a cikax ale no halal um a ɓisiidkan.»