1 Korint 9:5 - NQAARIIT NE ROOG

⁵ Ndax kaa i mbaree o ƥisloox kam calel ke o tew o kimu, ne apootar lakas we a mbi’tan boo na xa teɓ axe no Yaal oxe fa Kefaas?

1 Korint 9:5 Referans Kwoze

YEGIL MBAAX NE YEESU ne Saŋ a bindtuuna 1:42

A ɓisaan maa Yeesu itam. Yaa Yeesu a ga’uuna, a layaan ee: «Wo refu Simoŋ o ƥiy Saŋ, ndiiki koy, feranaaxong Kefaas.» (Kaa tekit ‹o ƥil›).

Mace 8:14

Cinj kaaga, Yeesu a reta no mbind Piyeer, a jopir o seemir o tew Piyeer a wondoox ee yaam cer um kaa sum.

Hebre 13:4

Fat fop a niw ndolnir ne, we ngiɓoorna no ndolnir ne a njeg ngor a ndeer den, yaam xan Roog a hate a cuut ake fo we na seeqaa.

Galati 1:19

Ga’’iim o lakas no apootar we, a refangee Saak fee refna o ndeɓ no Yaal oxe.

1 Korint 7:39

Mbanuu o tew a xesna boo a doloox, oxe no ƥaak boo yaa o kor um a xonkaa. Boo o kor um a xonna koy, a jegata a xoox um, too a waaga o dolnir fo xaa feluuna. Kaa koy, a narangaa o dolnir fo o lakas, fat a ref fo o kimu no Yaal oxe.

1 Korint 7:7

Ndigil oo, ke moƴan’axama fop a mbi ne fi’uuma, ndaa tanq Roog kaa mbogree. Kaa danqaa oxene kene, oxaana kaana.

A pi ake 1:14

Den fop kaa mbog’u xeeñ leng, a ngen na qeƭ. A jeg’a itam rew leng-leng nen a Mari fee ya Yeesu fo xa teɓ axe Yeesu.

Tiit 1:6

Fat o fi’in yaa ga’oona o koor o cegee ƥanjel, oxaa damna no teem o leng soom, xa ƥeem a ndef gimu, too ba o leng na den a andtel o late mbaat o yarwaƭar.

1 Timote 5:2

rew maak we nen yaay, we maakeerna teen, o ɗeet a den nen jigeen fo yiif xoolu.

1 Timote 3:2

Yaaga boog, o aa-adax waree o jeg ŋañel. Kaa war o dam no teem o leng soom, a ɓuuɓ, a fod no ke ta fi’aa, a fañ o hupal, o ñoowooƭ um itam ta jagandan, a dalnaa we na ngaraa no mbind um. A wara o ref o baagu a cangin itam.

1 Korint 7:15

O kimeer oxe a bugangaa o tas a las um no ndolnir, a waagaan o fi, fat a tasin, too yaaga oxe gimna, ta ref o koor oxe mbaat o tew oxe, refatee teen dara. Roog kaa mucil a in, ndax i ngen na jam.

1 Korint 1:12

Kene um ne’aa: Wene kaa layaa yee: «In, Pool i ndeefaa», weeke yee «Apolos», waana yee «Kefaas», lakas we yee «Kiristaa i ndeefaa».

O leetar ole Pool a bindna GIMU WE NGENNA ROM 16:1

Mexe fokataa a nuun fa Foybe fee o cigeen in no ngim onqe, too a ref o tiidimle no mbokatax ne no gimu we kam teeru fee Kenkere.

YEGIL MBAAX NE YEESU ne Saŋ a bindtuuna 2:12

Cinj kaaga, a reta Kapernawum, a yoon fa ya um fo xa teɓ um fo daalbe um, ndaa moofee maaga ñaal mayu.

YEGIL MBAAX NE YEESU ne Lik a bindtuuna 6:15

Mace fa Tomaa fa Saak fee o ƥiy Alfe, Simoŋ oxe na xoxtaa saax um

Mark 6:3

Ndax refee o taadaaƴ oxe, o ƥeenqe Mari, o maag oxe Saak fa Yoose fa Yudaa fa Simoŋ? Ndax jigeen we ten ngenee fa in mene?» Kaaga a yaqan’a a den da ngim no ten.

Mark 1:30

O seemir o tew Simoŋ kaa wondoox’u yaam cer um kaa sum’u. Yaa Yeesu a fadiidna, wiin waa a layaan o ten no ñofu.

Mace 13:55

Ndax kaa refee o ƥeenqe no taadaaƴ oxe? Andum refee o ƥeenqe Mari, too Saak fa Yoseef fa Simoŋ fa Yudaa a ndef xa teɓ um?

A kim ale na kim ake 4:12

O cigeen es, o toog es, a ƭing a bege refo, a ngas a naage rap, a cur alaa jaafu’eena.

1 Timote 4:3

Kaa ngeblaa yee dolnirel waree, a layaa yee ba o leng a ñaam kene mbaat kaana. Kaa koy, ñaamel keene, Roog saku a den, ndax gimu we andna ndigil ne a ñaam a den fo o ngidim.

1 Korint 7:8

We andoona yee ndokee no ndolnir fo we rew den a ñakna, na mi, ke moƴna na den refu yee da mbi ne fi’uuma, a mbañat o njeg o tew.

YEGIL MBAAX NE YEESU ne Lik a bindtuuna 8:20

O leng no wiin waa a laya a Yeesu yee: «Reti jaaɓik! Ya of fo xa teɓ of owe cungang tafil, too kaa mbug o nga’ir fa wo.»