1 Korint 9:3 - NQAARIIT NE ROOG

³ Keene refu ƥonax es mbaambir no we na layaxam ee refiim apootar.

1 Korint 9:3 Referans Kwoze

2 Timote 4:16

Ye refuuma no nqeloor, o leng fartiraam, fop kaa nqaƴaam, ndaa koy yaasam o Yaal oxe a waasan a den.

Filip 1:17

We yiif ñimatir a riñna koy, kaa yegnitaa a Kiristaa yaam a ngeboox qooleer, a mbaaƭaa maa da ƥektaxama na naqad ye jengeema.

Filip 1:7

Xalaat es na nuun fop, nuun we mbogna na yirmande fee daawuuma, keene cofu yoo, yaam kaa nu ndef no xeeñ es, ta ref um ɓekel kaso mbaat yaa um xoxtaa, saƭkandaa Yegil mbaax ne.

2 Korint 13:10

Ten taxu ye maaduuma o goƭaa um bindaa keene, ndax fadtiidkiim o ɗom tig me nuun, yaam sañ-sañ fee o Yaal oxe a ci’axama refee yee ndax um sañtaa, ndaa ndax um jokaa.

2 Korint 13:5

Fat nu ngoroox o ñoowooƭ nuun boo and, ndax nu njega o ngim. Ƭeetlooxyo boog! Ndax nu anddilooxa yee Yeesu Kiristaa oxe na nuun? Kaa koy, fat a soƥ ee ƭeetlax ne refkee njom na nuun.

2 Korint 13:3

yaam kaa nu mbaaƭaa kaa lalitna yee Kiristaa na layaa na mi, o ten oxe heeseerna mbaambir nuun, ndaa a ref o cegu katil a ndeer nuun.

1 Korint 14:37

O kiin a foogangaa yee oxaa na jo’tanaa a Roog oo mbaat ta foog ee kaa daaw ci’it lakas no Yiif le, fat a ɓek no yiif um ee keene binduuma kebil no Yaal oxe yoo.

A pi ake 25:16

Kaa koy, layaam a den ee: Roorom we meree o ƥoxotaa o kiin, too we ta layooraa ngeenooxee boo ta waag o xoxit a xoox um mbaambir den no ke da njambuuna.

A pi ake 22:1

«Nuun fog we fo paap ke, nan-gilooxyo ke um layiidaa a nuun ndiiki, ndax um xoxit a xoox es.»

YEGIL MBAAX NE YEESU ne Lik a bindtuuna 12:11

Boo nu ƥiseena na hate no pind a qeƭ ke mbaat mbaambir no haahate we mbaat mbaambir no wiin maak we, ba nu nqalam ke nu ndoonkaa mbaat ne nu layitkaa,

1 Korint 9:2

Um refangee apootar na kid no wiin lakas, ten refum na nuun, yaam nuun ndefu xa tim axe no ke jalanuuma o Yaal oxe.

1 Korint 9:4

Ndax kaa i mbaree o ñaamaa, yeraa no ke nu njegna, ta ref ndabid no calel ke?