1 Korint 9:27 - NQAARIIT NE ROOG

²⁷ Kaam dam cer es, harin a den, yaam ndik we waare’ooguuma a ndok, um xaƴel tafil.

1 Korint 9:27 Referans Kwoze

O leetar ole Pool a bindna GIMU WE NGENNA ROM 8:13

Boo nu ñoowaa no ke cer ke nuun a mbugna xan nu nqon, ndaa boo Yiif le Roog a taxna nu mbar a pesoorooƭ ale no cer ke nuun, xan nu njeg o ñoow.

1 Korint 9:25

Oxe bugna o ref mbir tigi a naaga o fesaa mayu a cinj, too keene fop kaa waagna o sooƴ soom a nqirooxanaa. In koy, fat i moƴ o ngumnoox yaam a laay a sooƴkeer muk refu mbaambir in.

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

1 Korint 8:13

Keene o mat taxu boo andoona yee kaa ñaamel ke reeruuma a nar o ndef a panq na caf no kimu lakas, ñaamkiim no roon olaaga muk, yaam ndik ta fes o ngim onqe a cinj.

YEGIL MBAAX NE YEESU ne Lik a bindtuuna 9:25

Xar a jiriiñkaa o kiin ta jeg adna fee fop, yaa ta saŋkooxna mbaat ta mo?

2 Timote 2:22

Yufi a yuxum ake ndeƥandoong a ɓekaa o kiin, waaƭ o cofel fo o ngim fo o mbeq fo jam, wo fo we na ne’aa gon no Yaal oxe fo xeeñ xoolu.

2 Korint 11:27

Kaam genit calel fo coono, genit ƭaanar fo nqeex fo a koɗom. Kaam ñakoogu ñaamel, jogoñeel, ɓaŋdeel.

2 Piyeer 2:15

Cinj ye da nqaƴna a ƭat a cofu le a mo’a, soo a ndeef a ƭat ale Balam fee o ƥiy Bewoor, fex’ina o fi paaxeer, ndax ta cooxel xaaliis.

Yeremi 6:30

Kaa nqoyeel xaaliis fa sibel, yaam o Yaal oxe kaa sib a den.

A kim a tedu ke 50:16

O soxodu xe koy, Roog kaa layan ee: «Xar a ɗaxu o dupataa dupat kebil es soo laytaa ngiɓoor es,

A pi ake 1:25

ndax ta rondand a Yudaa na seek um ale refna calel apootar kene ta xaƴna, soo a xaad me ta jegeena.»

YEGIL MBAAX NE YEESU ne Lik a bindtuuna 18:5

Kaa koy, ne o ñaaw oxene a xijlaxam, xam dimle’in, ndax garkatee a gefaa xoox es.› »

A sutax ale 37:22

A kiɓ ake fo a naaq ake kaa muum’u fo ke yoqna. Fop wurus fa nqoolu a xawit’e.