1 Korint 9:24 - NQAARIIT NE ROOG

²⁴ Nuun moƴu o and ee mayu a naanga o mbapooxanaa a laay a leng, ndaa o leng kut na ɓiskan. Yaaga koy sagyo, maafrel a paax, ndax nu njang a laay ale.

1 Korint 9:24 Referans Kwoze

Filip 3:14

Kaam eetatireel kañ, ndax um waag o jang a laay ale took, taxna Roog a xoy a in na Kiristaa Yeesu.

Hebre 12:1

Faan maak leene no weene ngimna kaa mbid a in o kurul-keƥ, a ndef seede no ngim den mbaambir in. Ten taxu, kaa i mbar o ndoxodoox ndoq meɗu ne na yaqanaa a in a ñaaƈ, mbaas itam bakaad fee yooɓna o dik a in. Fat i ngen no ƈufaa ne waritna no ndaƭatir ne i ndefitna.

Mbeeñil 3:11

Mexe garaa no miñeer! Pokooxi ke jegoona, ndax o leng jangkee o ndip onqe daawtoona no njom ne.

Filip 2:16

nu ƥisaa a den fa lay fee na ci’taa o ñoow. Yaaga, na bes faa Kiristaa a nomtooxiidkaa, xam waag o fakoox yaam nuun, and ee ke ƴufanooguuma fe’ee a koƥ, den fo calel es.

1 Korint 9:26

Ten taxu um sag, fañ o sagit nen o puul, tiq es, um and ne um fadtaa a den, nen o cegu xa kep.

Galati 5:7

Nu mber’a o ndeefaa a Yeesu a paax. An ƴiƴtu a nuun boo a tax nu nananatee ndigil ne?

Yeremi 12:5

O Yaal oxe kaa tee: «Wo Yeremi, a soƥangaa yee kaa o ƴufaa fo yaal a caf, soo da nqijlandong, nam o daƭatiritkaa fo pis? A soƥangaa yee no saax jam doŋ o yaadooraa, xar o fi’kaa, yaa rokoona kam suungaan le Yordaan?

Galati 2:2

yaam Roog a feeñooxaam, a heblaam a ñaaƈ aleene. Ye retuuma, wootaam fo aa-adax we soo lal a den Yegil mbaax ne um waare’aa kam we ndefeerna Yaawuur, ndax jalkiim mbaat ta ref ee kaam jal calel cegee xoox.

Saak 1:12

Oxe saƭikna, yaa ta ɗeetlooxeena, a ɗaaya. Ƭeetlax keene a mbaafangaa, xan a su’nel o ñoow ole Roog a regna we mbexuuna, ta ref o ndip um.

O baawaare xe 9:11

Ga’ahinaam took lanq ke yee moƴ o ñof taxee daɗ no ndaƭatir, moƴ o ref o qir o say taxee rax na xire, jeg yiif itam taxee o jeg ñaamel, o ƴiƴ taxee o jeg halal, too jeg o and taxee niwel, yaam fop, pelu fo peƭaru na ndalaa a den.

Kolos 2:18

Ba o leng a nax a nuun boo a yaqan a nuun eetatir ne nu ndefitna, yaam a fi’ooxaa o neewandooxu mbaat tee kaa reefaa kaa malaaka a dalinna. O kiin um a waaga o ret sax boo a saaƭoox na xa ƭaaɗ xa andand, a magnandooxaa yaam a qalaat um a cegee xoox,

A kim a tedu ke 19:5

Yaqanee koy, xa ñuxur den a njoota boo me lanq ke a ndayna, fa lay den a nannoox boo no cat adna, maa Roog a ɗiifanna njeeƈ ne.

Hoose 12:10

Mi refu o Yaal oxe Roog nuun sutitna a nuun Misira. Xam gennoorahin a nuun kam ƭiif, nen ye um garaa me nuun kam a koƥ-a-ƥor alaa.

O leetar ole Pool a bindna GIMU WE NGENNA ROM 6:16

Kaa nu andee yee boo nu ƥoxotooxna no kiin, ndax nu nananan, o paɗ no xeene nu nananaa nu ndefatu. A soƥangaa koy ee faɗ bakaad nu ndefu, xan a ɓis a nuun na fa nqon, ta ref ee faɗ no nanan a Roog nu ndefu, xan a ɓis a nuun no cofel.

1 Korint 9:13

Ndax kaa a yiif nuun a naax ee we na ndagooxaa a Roog kam Mbind Roog ne fop, teen a ñoowtaa, we payna no sadaxand ole a ñoowtaa ke ɓoxotiideena no sadaxand ole?

1 Korint 9:23

Kaam fi’aa keene fop yaam Yegil mbaax ne, ndax um jeg teen a las.

Filip 3:12

Refee koy ee kaam daaw a laay ale boo ƴut mbaat um fad no ñak-sik, pokin ne Kiristaa a pokit’axama.