1 Korint 9:23 - NQAARIIT NE ROOG

²³ Kaam fi’aa keene fop yaam Yegil mbaax ne, ndax um jeg teen a las.

1 Korint 9:23 Referans Kwoze

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

Mark 8:35

Oxe na bugkaa o mucil o ñis um, xan a ñakin, ndaa oxe na ñakkan yaam mi, a ñakin itam yaam Yegil mbaax ne, xan a muclin.

1Saŋ 1:3

Mexe dakooxan o lay a nuun ee: Ke i nga’na, nanin, i yegnaa a nuun, ndax nu mbog fa in, ne i mbogitna fa Faap fee, mbogit neen fa Yeesu Kiristaa fee refna o Ƥeem.

Hebre 3:14

Mee ndax fog Kiristaa i ndefu, yaa i saaƭooxna boo no muukandoong naa na koolax ale i njeg’ina no mberaand naa.

Galati 2:5

ndaa i ci’ee a den ñootand leng, too i nqoxa ke da ngebloogna, ndax nu mbaag o ndam Yegil mbaax ndigil ne.

Hebre 3:1

Ten taxu, nuun o fog ole no tedu we, nuun we Roog a xoyna, ƭeetyo na Yeesu fee Roog a luliidna, ndax ta ref o saasadax o maak no ngim onqe i mbeejlaa.

2 Timote 2:6

O qooxoox oxe na ɓaarooxaa waru eet o ñaƭoox duufe um.

2 Korint 2:4

Kam coono magnu fo xeeñ ŋaƭe, may fo xa kooniit bo, bindit’um a nuun, refee koy ee ndax nu naqadiloox, ndaa ndax nu and o mbeq o njegee hap onqe jeguuma na nuun.

1 Korint 9:12

Lakas a njegangaa sañ-sañ feene na nuun, ndax in fa qoox in i moƴkoogiran o njeg a den? Kaa koy, sañ-sañ feene i laamtiran. Kaa i muñ fop, yaam ten moƴu i ŋaalooxaa wargal boo ta refat a panq no Yegil mbaax ne Kiristaa.

1 Piyeer 5:1

Mi fee refna o maak, seede coono ke Kiristaa, fog itam no ndam onqe wareena o feeñil, mexe xeɗaa maak gend es we ndefna a ndeer nuun, da ngay o siir ole Roog da ndoxneena. Kaam ee: Baa ref ee nu mbugiran a mbug, ndaa fat a ref ee yaam ta fel a nuun yaam Roog. Baa ref itam no bug teen xaaliis, ndaa fo xeeñ letu.

O leetar ole Pool a bindna GIMU WE NGENNA ROM 11:17

Xeet fee Isra’el kaa nand fo ndaxar oliiw nduufe, a naaq a leng a leng a ƭegel teen. Wo fee refeerna o Yaawuur koy, kaa o nand nen a naaq ndaxar oliiw malu, soo dugandel na seek na naaq a ƭege keene. Ndiiki koy, woxe jiriiñooraa a paƴ ale na ñoownaa ndaxar oliiw nduufe ne.

1 Korint 9:22

A ndeer no we neewna doole, kaam fi’aa nen o neewu doole, ndax da ngim itam. Kaam jaɓ o ref fop mbaambir no fop, ndax mayu a muc, nuu ta saxitna saxit.

1 Korint 9:24

Nuun moƴu o and ee mayu a naanga o mbapooxanaa a laay a leng, ndaa o leng kut na ɓiskan. Yaaga koy sagyo, maafrel a paax, ndax nu njang a laay ale.