1 Korint 9:17 - NQAARIIT NE ROOG

¹⁷ Um naagangaa o fi’an fo o fud o letu, xam jeg ndabid es, ndaa boo andoona yee a fel feƭar um fi’in, o sas a refkataa, nen suf naa Roog a gadnaxama.

1 Korint 9:17 Referans Kwoze

Galati 2:7

A nga’a sax ee kaam doxnel Yegil mbaax ne, ndax um waare’in we nqucooxeerna yaam Roog, ta ref we ndefeerna Yaawuur, ne Piyeer fa xoox um a doxniteena o ten yaam we nqucooxna, ta ref Yaawuur we.

1 Korint 3:8

Oxe jimbna fo xe soorna mbodu, too oxuu refna ndabid calel um a daawkaa.

Kolos 1:25

Kaam doonel jalanan, ta ref a ref ke taxna Roog a doonaam a ndeer nuun, ndax um yegnit fa lay fee Roog ta dey sik.

1 Korint 4:1

A soƥangaa yee neene tige a saxtu koy, kaa nu mbar o ƭeet a in nen dag Kiristaa waa ndoxneena o ndaawnaa lakas we kunpa ke ndefna na Roog.

Mace 10:41

Oxuu genarna o tuleer yaam ne ta jo’tanaa a Roog, xan a daaw ndabid no tuleer Roog. Oxuu genarna o cofu yaam o cofel um, xan a daaw ndabid no kiin o cofu.

1 Caloori ke 28:9

Wo Salomo fee o ƥees koy, andi a Roog fee na faap of too dagoortin xeeñ letu fo yiif jagandooxu, yaam o Yaal oxe kaa ɓaalaa a qeeñ ake fop, soo a jaqtaa a qalaat ake fop. O waaƭangaan, xan a ga’nooxong, ndaa o xaƴangaan xan a deɓong boo kili.

1 Tesalonik 2:4

Kaa koy, Roog kaa ɗeet a in soom nen waa ngatilna Yegil mbaax ne, soo a doxnin a in. Refee yee kaa i layaa, ndax i mbel wiin we, ndaa Roog fee na horooxaa a qeeñ in.

1 Korint 3:14

Oxuu andoona yee ke ta maxitna saƭku yoo, fiɗel le waagkee teen dara, too oxaaga xan a rabdel calel um.

Heseki’el 3:14

Maaga, Yiif le a gifaxam, a ɓisaam. Retaam, kam es a fag tak, um fuux boo buɓaa, ndaa o ɓay ole no Yaal oxe a pokaxam fa katil.

Yeremi 20:9

Maaga layaam ee: «Xalaatkatinum too laykatiim no gon um.» Kaa koy, kaa nand’u kam es nen fiɗel laa na kaƥaa, a wegoox na xa kiiƈ es. Jeemaanum o gadoox boo xij, ndaa waagatinum.

Esayi 6:8

Maaga, nanaam o ñuxur ole no Yaal oxe layoogna yee: «An um lulkaa? Ndi an na retankaa a in?» um jaaɓ ee: «Mexey, lulaam.»

Nehemi 11:2

Xeet fee a niwa fop we ngenaniidna a qoox den Yeerusaleem.

1 Caloori ke 29:9

Xeet fee kaa sawar’u no ci’it o fud o letu ke mbi’eena. O maad Dawid itam a felakinoox’a teen.

1 Caloori ke 29:5

Ndiiki koy, an na nuun jaɓu o ci o Yaal oxe no fud o letu wurus mbaat xaaliis, ndax jaajal we a njal xa ƥaxañ wurus mbaat xaaliis axe mbarna?»

Filemon 1:14

Kaa koy, bug’iim o fi tus, too yooniro teen. Bugiroong o ser o fi’anaam paax, a refangee kaa felong.

2 Korint 8:12

Yaam boo hebooxoona o ci’it, yaaga xan Roog a jaɓ ke ci’toona no ke jegoona, soo a fañ o ɓaal ke jegeeroona.

1 Korint 9:16

Ne um waare’aa Yegil mbaax ne, taxee um fakooran, yaam kaa um serel o ten, too sabab took es yaa yegniteeruuma Yegil mbaax ne.

YEGIL MBAAX NE YEESU ne Lik a bindtuuna 12:42

O Yaal oxe a doonaan ee: «Jawdiin fum gore’u too a ƴiƴ boog, ndax o yaal mbind um a xaƴin fo wiin mbind um, ta cooxaa a den ñaamel, oxuu refna a las um, yaa waxtu fee a fadna?

Mace 24:25

Yegnaanum a nuun yaaga fadiidafulee.

Malaki 1:10

Ke moƴna o leng na nuun a weg begax ke no Mbind Roog ne, ndax nu ngeƥandiidkatee na kasaara fiɗel no sadaxand ole mi. O Yaal oxe Hupna fop kaa tee: Kaa nu soofaam, too sadax ke nu ƥoxotaxam mbeliraam.

Yoona 1:3

Kaa koy, Yoona a inooxa ndax ta ƴuf Tarsis maa goƭna o Yaal oxe. A reta Yope, too a soƥa maaga a kaal alaa retoogna Tarsis. A rabda njootin ne, a rok na kaal ale, ndax ta yoon fo we ndetoogna Tarsis, maa goƭna o Yaal oxe.

1 Caloori ke 29:14

Ndi an refum, too xar xeet es a refu boo tee kaa mbi’anang ci’it o fud o letu podu neene? Mee ndax fop na wo a hatu, too o ɓay of cooxu a in fop ke i ci’oonga!

YEGIL MBAAX NE YEESU ne Saŋ a bindtuuna 4:36

Oxe na saxadlaanaa kaa rabdeel, too a naaga o fokatanaa o ñoow o fagkeer ole xa tim, ndax oxe na duufaa fo xe na saxadlaanaa a mbelakinooxandoor.

1 Korint 9:18

Too a reftangaa neene, xar refu ndabid es? Ten refu um waare’aa Yegil mbaax ne na dara, ke andoona yee ten o baawaare Yegil mbaax a jegaa, um fañin o diiroox.