1 Korint 9:16 - NQAARIIT NE ROOG

¹⁶ Ne um waare’aa Yegil mbaax ne, taxee um fakooran, yaam kaa um serel o ten, too sabab took es yaa yegniteeruuma Yegil mbaax ne.

1 Korint 9:16 Referans Kwoze

O leetar ole Pool a bindna GIMU WE NGENNA ROM 1:14

Kaam saqan yokooxu we fo yokooxeer we, jangu we fo jangeer we Yegil mbaax ne nen o lad.

Kolos 4:17

Layanaamoo a Arkip ta foŋik calel ke o Yaal oxe a doxnuuna, ndax ta waagin o jalit ne ta waritna.

Yeremi 20:9

Maaga layaam ee: «Xalaatkatinum too laykatiim no gon um.» Kaa koy, kaa nand’u kam es nen fiɗel laa na kaƥaa, a wegoox na xa kiiƈ es. Jeemaanum o gadoox boo xij, ndaa waagatinum.

YEGIL MBAAX NE YEESU ne Lik a bindtuuna 9:62

Yeesu a doonaan ee: «Oxuu damna no masiin nqooxir soo a wiƈaqiloox, Maat ne Roog a jombaan.»

A pi ake 4:20

Yaam in o mat, i mbaagee o ñak o layit ke i nga’na fo ke i nanna.»

Amos 3:8

Njogoy naa na bumbaa, an a diidlandeeru? Layangaamoo! Neene mat a reftu, o Yaal oxe na refkaa boo faw a layangaa, a feeñlin duleer um, an na den yegnitkeeru ke fosooxeena?»

O leetar ole Pool a bindna GIMU WE NGENNA ROM 15:17

Waagaam o fakoox boog no calel es paam Roog yaam Kiristaa Yeesu.

A pi ake 9:15

Kaa koy, o Yaal oxe a layaan ee: «Inooxi rek! Yaam kaam jil o koor oxeene, too xam jiriiñoorin, ndax ta ɓis gon es mbaambir no qeet ke fo mbaambir no maad den fo mbaambir xeet fee Isra’el.

A pi ake 9:6

Inooxi rok kam teeru fee! Xan o layel ke waroona o fi.»

O leetar ole Pool a bindna GIMU WE NGENNA ROM 4:2

A soƥangaa yee Roog kaa jofand a Abraham na pexey a pi um, yaaga Abraham a waag’a o fakoox. Kaa koy, waagiran mbaambir Roog,

Amos 7:15

O Yaal oxe a andaan, too yaqanee ta xottaam na las ake no paal ke, a layaam ee: ‹Inooxi ret yegnitik fa lay es ndeer Ii-isra’el we xeet es.›

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»

Yeremi 20:7

O Yaal oxe, naxaxamo too yenaam me ɗaapanaxamoona. Naagaxamo nuus fa doole soo maafaam. Kaam gen no jaleel bes fuu refna, fop a nqaadnooxaxam.

Yeremi 1:17

Wo Yeremi koy, humnooxi. Inooxi, ret daawin a den fop ke um hebilkang. Ba o send mbaambir den, yaam ndik um sendnoorong mbaambir den.

1 Sami’el 12:23

Mi fa xoox es koy, xam wootooxaa o tooñ o Yaal oxe yaam o ñak o xeɗan a nuun soo fañ o jangin a nuun kili a ƭat a paax a cofu le.

1 Korint 4:15

Nu mbaaga o njeg ɗooɗox juni na Kiristaa, ndaa paap ke mbaagee o mbad ƭik, yaam mi ɓisiidu a nuun o ñoow ole na Kiristaa Yeesu ye yegnuuma a nuun Yegil mbaax ne.

1 Korint 9:12

Lakas a njegangaa sañ-sañ feene na nuun, ndax in fa qoox in i moƴkoogiran o njeg a den? Kaa koy, sañ-sañ feene i laamtiran. Kaa i muñ fop, yaam ten moƴu i ŋaalooxaa wargal boo ta refat a panq no Yegil mbaax ne Kiristaa.

1 Korint 9:14

Ten taxu o Yaal oxe a hebil ee: We na njootnaa Yegil mbaax ne, xan a ñoowit ke hatna no Yegil mbaax ne.

2 Korint 2:12

Ye fadiiduuma Torowaas, ɓisiid Yegil mbaax ne Kiristaa, ke o Yaal oxe a halanaxama a ƭat ake fop oo,

Mace 25:16

Ndak fo ndak, oxe doxin’eena xa qanjar xa ƥetaq a reta, soo a rimand a den boo a jegat xa qanjar xa ƥetaq xa lakas.