1 Korint 9:15 - NQAARIIT NE ROOG

¹⁵ Mi koy, no bargal keene fop, jegee leng na den naa waaƭuuma, too bindiim keene ndax um hapit a den. Um xon sax moƴanaxam o ñak fak es leene.

1 Korint 9:15 Referans Kwoze

1 Tesalonik 2:9

Fog es, ƥekyo na yiif nuun ne i njalitna kam coono ñaal fo o yeng, ndax i ndoxondkee o leng na nuun a toq in, ye nu mbaare’eel Yegil mbaax ne Roog.

2 Tesalonik 3:8

I sadaxnooxee o leng ke i ñoowtoogna, ndaa in we ndaawtoogaan no coono fo no xij, ta ref ñaal mbaat o yeng kaa i njaloogu, ndax i ƥarooxkee o leng na nuun a ñaam.

1 Korint 9:12

Lakas a njegangaa sañ-sañ feene na nuun, ndax in fa qoox in i moƴkoogiran o njeg a den? Kaa koy, sañ-sañ feene i laamtiran. Kaa i muñ fop, yaam ten moƴu i ŋaalooxaa wargal boo ta refat a panq no Yegil mbaax ne Kiristaa.

A pi ake 20:34

Nuun moƴu and sax ee xa ƥay es axene jaltoogum boo waag o jeg kuu soxla’uuma, mi fo we yoontooguuma.

A pi ake 20:24

Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.

A pi ake 18:3

Ne da mbog’ina calel koy, Pool a dala no mbind den, soo da yoonaa, a njalaa. Den ɗik, ɗiiɗiis tanta a ndeeƭu.

1 Korint 4:12

Oxuu refna na in kaa daaraa, soo a sogkaa o jeg ƥekel no fud, mbeneel, mbarke’aa we na mbenaa a in, muñ ne i toroxandeel,

A pi ake 8:3

Kaa koy, Sool o mat, kaa firɓandoogu o fog ole no gimu we, a rokaa kam pind ke, a damaa gimu we, goor fo rew, a wegnooraa a den kaso.

Mace 18:6

«Kaa koy, oxuu tolofnoorna o leng na xa teɓandoong axene ngimna na mi, kaa moƴna no ten ta rokel ɓil unir no cok soo a deɓel no duf laa no maag olaa.

A pi ake 20:33

Waaƭ’iim xaaliis mbaat wurus mbaat tikoorik no kiin o leng.

1 Korint 9:18

Too a reftangaa neene, xar refu ndabid es? Ten refu um waare’aa Yegil mbaax ne na dara, ke andoona yee ten o baawaare Yegil mbaax a jegaa, um fañin o diiroox.