1 Korint 9:13 - NQAARIIT NE ROOG

¹³ Ndax kaa a yiif nuun a naax ee we na ndagooxaa a Roog kam Mbind Roog ne fop, teen a ñoowtaa, we payna no sadaxand ole a ñoowtaa ke ɓoxotiideena no sadaxand ole?

1 Korint 9:13 Referans Kwoze

1 Korint 10:18

Ngoryo Ii-isra’el we: Ndax boo da ndeerna, a ñaamaa sadax, naangee o mbokatooraa fo o sadaxand ole?

1 Sami’el 2:28

Ne a carind ake Isra’el a mbodeena fop, ale wo jilum, ndax nu ƥoxotiidaxam sadax took o sadaxand es, ndoxaa cuuraay, ndokooxaa xa camb mbaambir es. Cooxoogaam a nuun no fop ke Ii-isra’el we a sadaxtaa.

A cangatin ale 10:9

Ten taxu Leelewi we njegee a las, njegee lam a ndeer no fog den. O Yaal oxe Roog nuun refu lam den, ne ta layit’uuna a den.

A paɗax ale 7:31

Fat o saasadax oxe a dox neeneer ke took o sadaxand ole, soo Aaroon fo xa ƥeem a njang ngang ne.

A paɗax ale 21:22

Kaa koy, a waaga o ñaam no sadax tedu tigi ke fo we tedna ɓoxoteema, mi fee Roog um,

A lim ale 18:31

Nu mbaagaan o ñaamit muu felna a nuun, nuun fo ƥasil nuun fop, yaam ndabid nuun oo no calel ke nu mbi’aa kam Ƭiif ne um xetteel.

O leetar ole Pool a bindna GIMU WE NGENNA ROM 6:16

Kaa nu andee yee boo nu ƥoxotooxna no kiin, ndax nu nananan, o paɗ no xeene nu nananaa nu ndefatu. A soƥangaa koy ee faɗ bakaad nu ndefu, xan a ɓis a nuun na fa nqon, ta ref ee faɗ no nanan a Roog nu ndefu, xan a ɓis a nuun no cofel.

1 Korint 9:24

Nuun moƴu o and ee mayu a naanga o mbapooxanaa a laay a leng, ndaa o leng kut na ɓiskan. Yaaga koy sagyo, maafrel a paax, ndax nu njang a laay ale.

A paɗax ale 22:7

Xan a xoolat a cinj yaa njeeƈ ne a mudna. Maaga, a waaga o ñaam no sadax tedu ke, yaam ñaamel um oo.