1 Korint 9:12 - NQAARIIT NE ROOG

¹² Lakas a njegangaa sañ-sañ feene na nuun, ndax in fa qoox in i moƴkoogiran o njeg a den? Kaa koy, sañ-sañ feene i laamtiran. Kaa i muñ fop, yaam ten moƴu i ŋaalooxaa wargal boo ta refat a panq no Yegil mbaax ne Kiristaa.

1 Korint 9:12 Referans Kwoze

2 Korint 11:12

Keene fi’uuma, xam dakooxahin teen, ndax um foor tafil ƥaaƈaal ke mbaagna o ci wiin weene o wooƥ o ga’a­tinoor boo a tax da nandandooraa a in, a mbakooxataa.

1 Korint 9:18

Too a reftangaa neene, xar refu ndabid es? Ten refu um waare’aa Yegil mbaax ne na dara, ke andoona yee ten o baawaare Yegil mbaax a jegaa, um fañin o diiroox.

1 Korint 9:15

Mi koy, no bargal keene fop, jegee leng na den naa waaƭuuma, too bindiim keene ndax um hapit a den. Um xon sax moƴanaxam o ñak fak es leene.

1 Korint 9:2

Um refangee apootar na kid no wiin lakas, ten refum na nuun, yaam nuun ndefu xa tim axe no ke jalanuuma o Yaal oxe.

2 Korint 11:20

Nu njaɓa o ndamel mbaƭ, njaɓ o ŋalel, njaɓ o nguytel, njaɓ o njambel andaƭar, boo njaɓ sax o ngefel paƭ na mukit.

2 Korint 6:3

I mbugee dara kaa tolofnoorna o kiin, no kuu ta waagna waag o ref, yaam ndik Yegil mbaax ne a ref na in ŋañel.

1 Korint 6:7

Qasir ke a ndeer nuun sax eetu o ndef sik nuun. Wondoox fo ke tooñee’oona mbaat o jaɓ o jeg of a guuɗel moƴu o xetik fo pog of o kimu no nqeloor.

O leetar ole Pool a bindna GIMU WE NGENNA ROM 15:22

Keene refu ke yaqanaxama a caf a mayu um gar me nuun.

A pi ake 18:3

Ne da mbog’ina calel koy, Pool a dala no mbind den, soo da yoonaa, a njalaa. Den ɗik, ɗiiɗiis tanta a ndeeƭu.

YEGIL MBAAX NE YEESU ne Lik a bindtuuna 11:52

Ndaw sabab took nuun, nuun jaajangin maak we no kebil ke, yaam nu njanga o jaafu le, mbegtin o and ole. Nuun fa qoox nuun, nu ndokee, soo yaqanaa we mbugna o ndok da ndokiid.»

Nehemi 4:8

Ye horooxuuma fop, inooxaam, lay maak we, kelfa ke fo fop we maad’uuna yee: «Ba nu saɗar fañ nuun! Mbetandooxyo o Yaal oxe maginna, a saɗarnoox too nu ñoxoran fog nuun, xa ƥiy nuun xa koor fo xa tew, rew nuun fo pind nuun.»

Mberaand 24:56

A doona a den ee: «Ba nu miñandaam a koƥ. Feek kañ o Yaal oxe a felanda a ñaaƈ ale mi, nqaƴyo rek um nomtoox maa no yaal mbind es.»

1 Korint 9:14

Ten taxu o Yaal oxe a hebil ee: We na njootnaa Yegil mbaax ne, xan a ñoowit ke hatna no Yegil mbaax ne.

1 Korint 9:16

Ne um waare’aa Yegil mbaax ne, taxee um fakooran, yaam kaa um serel o ten, too sabab took es yaa yegniteeruuma Yegil mbaax ne.

1 Korint 13:7

Kaa waasantaa fop, a gim fop, a yaakaar fop, a muñ fop.

2 Korint 2:12

Ye fadiiduuma Torowaas, ɓisiid Yegil mbaax ne Kiristaa, ke o Yaal oxe a halanaxama a ƭat ake fop oo,