1 Korint 9:11 - NQAARIIT NE ROOG

¹¹ A soƥangaa yee halal yiif i nduufu na nuun, xar taxu o saxad no kalal adna ke nuun, nu mbi’in ƭomu?

1 Korint 9:11 Referans Kwoze

O leetar ole Pool a bindna GIMU WE NGENNA ROM 15:27

Kaa ngeboox keene no fud o letu, ndaa no ndigil, keene refu wargal faa da mbarna o mbi’an rool weene. Yaam Yaawuur we ndefna kerceen kaa nqaajir fo kerceen ke ndefeerna Yaawuur kalal ke no Yiif Tedu le da njegna. Yaaga boog, kerceen ke ndefeerna Yaawuur a mbara o ndimle’taa Yaawuur we ndefna kerceen kalal adna ke da njegna itam.

Galati 6:6

Oxuu na jangneel Yegil mbaax ne fat a coox oxe na jangnan o ten tig oo tig paax ke ta soxla’na fop.

2 Korint 11:15

Kaam ee, refee o njaaxɗataan no dag we ten na ne’ooxaa jaajal no cofel ole. Xan muukandoong den a feeñit na pi den.

Mace 10:10

mbaat o fof mbaat sabadoor ƭik mbaat xa ñaaƭ mbaat o loq, yaam oxe na jalaa a wara o ñaamaa.

2 Maad we 5:13

Kaa koy, surga ke ten a matiidaan soo a layin ee: «Yaal mbind, ndax o tuleer oxe a sim’angaang kaa ɗomna, fi’koogino? Xar yaqanu o fi boog ke ta layoonga yee o ɓogoox soo xool!»

1 Korint 9:14

Ten taxu o Yaal oxe a hebil ee: We na njootnaa Yegil mbaax ne, xan a ñoowit ke hatna no Yegil mbaax ne.

Filip 4:17

Refee koy ee um gindaa ci’it keene. Ke um waaƭaa kañ refu xa tim xa mayu xa paax axe na sutooraa no ñoow nuun.