1 Korint 9:1 - NQAARIIT NE ROOG

¹ Ii, mee ndax kaa jegiim a xoox es? Ndax kaa refiim apootar, o Yaal in Yeesu Kiristaa a feeñooxaam? Kaa calel es ɓisiidee a nuun no Yaal oxe?

1 Korint 9:1 Referans Kwoze

A pi ake 9:17

Anañaas a inooxa, too ye ta fadiidna no mbind ne, a doona xa ƥay um took Sool, a layin ee: «O pog es Sool, o Yaal oxe Yeesu Kiristaa, feeñoox’oonga na ƭat ale ye o garaa, luliidaxam ndax o ga’atin, too may fo Yiif Tedu le.»

1 Timote 2:7

Ten taxu itam, um doonel o baawaare fo apootar – ndigil kak um layaa, too maaɓiim no dara – kaam doxnel o jangnaa we ndefeerna Yaawuur, ke refna o ngim fo ndigil.

1 Korint 3:6

Kaam jimb, Apolos a soor, Roog a maakin ndaxar ne.

A pi ake 23:11

Yaa tigaa a yengna, o Yaal oxe a feeñooxa a Pool, a geenoox mbaambir um, too a layin ee: «Saƭakinooxi rek! Ne seede’antaxa­moona kam Yeerusaleem fene, neene o mat o seede’anitkaxam kam teeru faa Rom.»

A pi ake 9:3

Ne ta maad’ina o refaa na ƭat, too a matiidaa a Damaas, ndak fo ndak a qoolaand a inoortiida na asamaan, a meleƈaa paam um.

1 Korint 9:19

Mbaambir no fop, mi jegu a xoox es, ndaa koy kaa felaam um refan fop o paɗ, ndax moƴ-o-jaak we a ngim.

2 Timote 1:11

Yegil mbaax neene koy taxu um dodel o baawaare fo apootar fo o caajangin.

Galati 5:1

Kiristaa kaa wokit a in, ndax i njeg a qoox in. Saƭakinooxyo boog, too ba nu nomtoox no mbaƭ ne.

2 Korint 6:1

In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

O leetar ole Pool a bindna GIMU WE NGENNA ROM 1:1

Mi Pool, o paɗ Kiristaa Yeesu na bindaa a nuun o leetar oleeke. Roog kaa xoyaam ndax um ref apootar, a kesaam, ndax um yegnitik Yegil mbaax ne ten.

Galati 1:1

Mi Pool, apootar refum, too keene hatee no wiin we mbaat o kiin a doonaam o ten, ndaa um reftin na pexey Yeesu Kiristaa fa Roog Faap fee xontooxnooruuna a ndeer no xon we.

1 Tesalonik 2:6

Yaag oo toox de, nen waa Kiristaa a lulna i mbaag’a o ngeblaa a nuun fa doole, ndaa i mbi’iran, yaam i mbaaƭee o ndam onqaa inoorna no wiin we, refee me nuun, too refee mbaambir no lakas we. Kaa i ƥuuɓ’u kañ, yaa i ndefna a ndeer nuun, boo ne o ƥasil a teeteeltaa xa ƥeem.

2 Korint 11:5

Andaam ee falakaniim apootar hupalu weene na dara.

1 Korint 1:1

Mi Pool fee Roog a xoyna no bug um ndax um ref apootar Kiristaa Yeesu, mi fa Sosteen fee o pog nuun na mbindaa a nuun o leetar oleeke.

O leetar ole Pool a bindna GIMU WE NGENNA ROM 11:13

Mexey layan a nuun, nuun we ndefeerna Yaawuur ee: Roog kaa fi’aam o apootar, a doonaam a ndeer no we ndefeerna Yaawuur. Ten taxu um felakinooxaa no calel es,

O leetar ole Pool a bindna GIMU WE NGENNA ROM 1:5

No ten daawtum yirmande fo waag o ref apootar boo qicaa qeet ke fop, da ngim no ten, too a nananin, ndax gon um a simatel.

A pi ake 14:14

Yaa apootar ɗik waa a nanna kaaga, a mbaara toki den, yaam a njeg kaa feƭarna a den. Naaga, a ndigana a ndeer no faan laa, a mbuuq a maak, too a lay a den ee:

A pi ake 14:4

Wiin waa na teeru faa fop a nqaajoora. Wene a mbar fo Yaawuur we, waana fo apootar we.

A pi ake 13:2

Bes, ye da ƥoxotaa a Roog o ndam, too a ngooraa, Yiif Tedu le a laya a den ee: «Kesanaamoo a Barnabaas fa Sool, ndax da mbadin calel ke taxna um xoy a den.»

A pi ake 9:15

Kaa koy, o Yaal oxe a layaan ee: «Inooxi rek! Yaam kaam jil o koor oxeene, too xam jiriiñoorin, ndax ta ɓis gon es mbaambir no qeet ke fo mbaambir no maad den fo mbaambir xeet fee Isra’el.

A pi ake 9:5

A laamta yee: «Wo an oo, o Yaal oxe?» Maaga, o ñuxur ole a doonaan ee: «Mi yoo, mi Yeesu fee o ñagadilaa.

1 Korint 10:29

Meeke, nu nanaan, ne’iim a yiif nuun, ndaa yiif no lakas. Xar na taxkaa yiif no lakas a ɓanjaa ke um fi’aa fo yiif jeejooxeer?

1 Korint 10:30

Um naagangaa o ñaamaa fo o ngidim, xar na taxkaa um ɓanjel yaam keene um gidmitaa o Yaal oxe?

1 Korint 11:16

A soƥangaa koy ee kaa jeg oxaa jaɓeerna keene, fat nu yeg fo and ee na in fo no pokatax ke no gimu we Roog fop, a mbanuu o tew a xeɗaa kaa muxlooxaa.

2 Korint 10:7

Mbi’yo o ndang, too naang jak fo a kid nuun ne tikoorik ke a nandna. Oxuu ta woorna yee Kiristaa jegun, fat a ɓek no yiif um ee neene itam Kiristaa a jegtu a in.