1 Korint 8:9 - NQAARIIT NE ROOG

⁹ Kaa koy, fat nu mbootoox, yaam nu mbaree o lay ee nuun njegu a qoox nuun no Yaal oxe boo nu ndefat a panq na caf no we neewna doole no ngim onqe.

1 Korint 8:9 Referans Kwoze

Galati 5:13

Fog we, nu sute no mbaƭ ne nu ndeeƭna, ndaa baa a sutax aleene a tax nu ñoowaa no ke cer ke nuun a yaawaa. Yaaga boog, fat o mbeq onqe a tax nu ndagooraa.

1 Piyeer 2:16

Mbesooryo boog nen wiin jegu a qoox den, ndaa o jeg xoox nuun oleene koy, ba nu mbi’in muurax naa na singaa paaxeer, yaam faɗ Roog nu ndefu.

2 Piyeer 2:19

Kaa ndegaa a den ee xan a njeg a qoox den, too yaaga fop oo, den fa qoox den kaa ndef faɗ no fi kaa na ɓisaa na fa nqon. Oxuu refna, o paɗ no xe ta nananna a refu.

1 Korint 10:24

Ba o leng a ƴufanaa ke faaxna na xoox um, ndaa fat a waaƭaa ke faaxna no lakas we.

1 Korint 10:32

Ba nu ndef a panq no Yaawuur we mbaat no we ndefeerna Yaawuur mbaat no tedu we Roog.

1 Korint 9:22

A ndeer no we neewna doole, kaam fi’aa nen o neewu doole, ndax da ngim itam. Kaam jaɓ o ref fop mbaambir no fop, ndax mayu a muc, nuu ta saxitna saxit.

1 Korint 8:12

A jegtangaa neene, xan o tooñ a Kiristaa itam, yaam ne tooñoona o pog of oxeene. Yiif um deyeer le waag’ee o jekit ke le wo a jektaa.

1 Korint 8:10

Yaam a soƥangaa yee o kimu xaa foogna yee oxaa jegna o and refo, ret reer fo waa na ñaamaa sadax, o kimu xe neewna o ngim, too yiif um fodee neene no Yaal oxe, xan a bug o reerataa fo we na ñaamaa sadax. Ñaamitkiran nen a tegeƴ, ne ga’tanoona, ndaa nen sadax,

Mbeeñil 2:14

Kaa koy, a jega onqaa ɗomaxama na wo: Ten refu yee kaa o jeg meene wiin waa ndamooxna na cangin ale Balam. Kaa jangnoogu a Balak yaaga, ta sip a panq alaa na baɓaa Ii-isra’el we, a maafnooraa a den na bakaad yaa ta koocaa a den da ñaam a tegeƴ a sadaxte akaa ne’teena pangool, soo a seeqaa.

2 Korint 11:21

Keene sax kaam sedat o moof liman. Kaam foog ee in o mat, kaa i ndeyaƭar’u, ndax i ndoon a nuun keene. Mi sax ƭooɗofir ƥor um layataa, yaam andaam ee kuu o mbindeef a saɗna, saɗaanum.

1 Korint 10:29

Meeke, nu nanaan, ne’iim a yiif nuun, ndaa yiif no lakas. Xar na taxkaa yiif no lakas a ɓanjaa ke um fi’aa fo yiif jeejooxeer?

O leetar ole Pool a bindna GIMU WE NGENNA ROM 15:1

In we o ngim in a saƭikna, i mbara o meeɓaa we neewna doole no ngim onqe, mbañ o mbaaƭ ke faaxna na in soom.

Heseki’el 14:3

«Wo fee o ƥiy no kiin, goor weene kaa saq na qeeñ den pangool ke den, a ndoon mbaambir den ɓil le na tolofnooraa, a maafnooraa a den na bakaad. Ndax xam jaɓ da nga’ir fa mi?

Esayi 57:14

O Yaal oxe kaa tee: «Nqendandyo a qal ale, ngolit a ƭat ale, ƭiqit a panq ake mbodna xeet es mbaambir.»

Esayi 35:3

Saƭkinyo xa ƥay axe nqijna, too ndifi kuɓay ke ngeesna.

A paɗax ale 19:14

Ba nu mben oxe ramna, too ba nu ndoon mbaambir o puul oxe kaa waaguuna o tolofnoor, ndaa saɗaraamoo. Mi refu o Yaal oxe Roog nuun.

Mace 18:10

«Mbootooxyo o nqeef o leng na xa teɓandoong axene. Mexe layaa a nuun ee: Waxtu fuu refna malaaka kaa den ndefna kam asamaan kaa nga’aa a tagid Faap es fee na asamaan. [

Heseki’el 44:12

Feek kaa njalanoogu xeet fee mbaambir pangool ke den soo a ndeeƭu no mbind Isra’el ɓil laa na tolofnooraa, a maafnooraa a den na bakaad, mexe daaɓooxan fa den o ɓay es took ee: Xan a ngadoox tooñ den. Mi o Yaal oxe na refkaa boo faw layun.

1 Korint 10:28

Kaa koy, boo o kiin a layna a nuun ee: «Keeke de, kaa sadaxeena fangool oo», ba nu ñaamin, yaam ne ta maƭooxna a nuun keene fo ne yiif um a bugko siisooxaa.

2 Korint 6:3

I mbugee dara kaa tolofnoorna o kiin, no kuu ta waagna waag o ref, yaam ndik Yegil mbaax ne a ref na in ŋañel.

2 Korint 11:29

Boo o kiin a neewna doole rek, yaaga mexe no neew doole itam, too o kiin a yenangaa, yaaga mexe ñoowaa na naqad.

Kolos 2:8

Mbootooxyo o kiin a laxadit a qoox nuun xa peƭeñeŋke mbaat ta nax a nuun, a suttaa a ƭelem um no mbaax no wiin we fo na cangin akaa layteerna a Kiristaa, ndax a ngat na adna.