1 Korint 8:7 - NQAARIIT NE ROOG

⁷ O and oleene, fop njegiran. Kaa jeg waa o mer den a maadna o jengaa na xa ƥay pangool, da ñaamaa njuurax, a ƭeetan nen sadax tigi, too keene refa a panq a maak, yaam yiif den a neew doole boo waagee o ga a qool qac ne tige a saxitna.

1 Korint 8:7 Referans Kwoze

O leetar ole Pool a bindna GIMU WE NGENNA ROM 14:14

Andaam ee jegee ñaamel kaa na ndiimbeel, yaam o Yaal oxe Yeesu a andnooraxam keene. Kaa koy, boo o kiin a ɓekna no yiif um ee ñaamel kene tiimbel oo, kaaga tiimbel a ndefataa no ten.

A pi ake 15:20

Kaa koy, fat i mbind a den, da mbootoox ñaamel qoolaƭaru ke sadaxeena ke refeerna Roog, a mbaas ceeq, a mbootoox o ñaam med fo fo’oy itam.

O leetar ole Pool a bindna GIMU WE NGENNA ROM 15:14

Fog es, mi fa xoox es andaam no ndigil ee nu maya fo o paaxel. A xoolaxam tigi yee nu anda ke wareena o and fop bo ta dey. Nu anda itam ne nu mbaagna o cooxrit xa as a ndeer nuun.

1 Korint 8:1

Nu laamta itam kaa jofna no ke sadaxeena pangool ke. Ndigil oo, in fop, «oxuu refna na in a jega o and», ne ta layeel, ndaa o and oleene, no ga’atinax rek a ɓekaa a in. O mbeq kañ, na jokaa o kiin.

1 Korint 8:4

Um nomtooxiid koy no ke sadaxeena pangool: I anda yee fangool tigi jegee, kaa foogeena rek oo, Roog fa leng kut jegu.

1 Korint 10:25

Kuu na jikooxeel na marse, nu mbaagaan o ñaam, too ba nu laamit dara, ndax yiif nuun siisooxkee tig.

1 Tesalonik 5:14

Fog we, in we maƭooxaa a nuun kene: Soqyo we tayilna, saƭakinaa we mboosna, ndimle’aa we neewna doole, njeg o muñ a ndeer no wiin we fop.