1 Korint 8:6 - NQAARIIT NE ROOG

⁶ Kaa koy, nuu ta saxitna yoo, na in Roog fa leng soom jegu, ta ref Faap fee sakna fop, a jeg a in. Na in o Yaal o leng kut jegu itam, ta ref o Yaal oxe Yeesu Kiristaa. Ke sakeena fop koy, no ten a reefne, i saktel no ten itam.

1 Korint 8:6 Referans Kwoze

O leetar ole Pool a bindna GIMU WE NGENNA ROM 11:36

Yaam fop no ten a inooru, a sakoor no ten soo a refanin. Roog feene a hela o ɓoxotel o ndam boo faw! Amiini.

YEGIL MBAAX NE YEESU ne Saŋ a bindtuuna 1:3

Roog a saktin fop. Dara kaa sakeena too reefandaand no ten jegee meen.

Malaki 2:10

«Ndax in fop i mbogee a Faap fa leng? kaam ee ndax Roog fa leng kut sakee a in? Xar taxu boog i ngore’aƭar a ndeer in, yapatilaa neene ngiɓoor ne Roog fo daan we in?

1 Korint 8:4

Um nomtooxiid koy no ke sadaxeena pangool: I anda yee fangool tigi jegee, kaa foogeena rek oo, Roog fa leng kut jegu.

A pi ake 17:28

Yaam no ten i njegtu o ñoow, yo’nooraa no ten, ndefit no ten itam. ‹In o mat oo, na xeet um i mbogu.› Keene o mat, leng-leng no jeejeek we nuun a layu.

YEGIL MBAAX NE YEESU ne Saŋ a bindtuuna 14:20

A koom nu and ee mexey na Faap es, nu ndef na mi, um ref na nuun.

A cangatin ale 6:4

«Wo Isra’el, nan-gilooxi! O Yaal oxe Roog in soom refu o Yaal oxe.

1 Korint 12:3

Ten taxu, um bug o lay ee: Oxuu na laytaa Yiif le Roog, waagee o lay ee: «Yeesu a salooxe!» Neene itam, o leng waagee o lay ee: «Yeesu refu o Yaal oxe!», yaa Yiif le Roog a riñeeruuna teen.

A pi ake 2:36

Fat xeet fee Isra’el fop a and a paax ee Roog fi’u a Yeesu feene nu ndengna na kurwaa, ta ref o Yaal oxe fo o Muumucil oxe regteena.»

YEGIL MBAAX NE YEESU ne Saŋ a bindtuuna 20:17

Yeesu a layaan ee: «Ba o duqaam, yaam ŋaayafuliim maa Faap es. Reti maa na xa teɓ es, lay a den ee mexey ŋaayaa maa Faap es fee Faap nuun, refna ref Roog es fee Roog nuun.»

YEGIL MBAAX NE YEESU ne Saŋ a bindtuuna 13:13

Kaa nu nqoyaxam o Caajangin oxe fo o Yaal oxe. Nu mbi’a paax, yaam ten refum ndigil.

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

Mace 11:27

Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

YEGIL MBAAX NE YEESU ne Saŋ a bindtuuna 10:30

Mi fa Faap fee o leng i ndefu.»

Mbeeñil 1:18

fo xe na ñoowaa. Xon’aam, ndaa ndiiki mexe ñoowaa bo na moos boo moos. Mi saqu xa caafu xe na mbetaa jaaniif, ndax xon we a sutoox.

Efees 3:14

Ten taxu mexe gooknooxaa mbaambir Roog Faap fee.

1 Korint 1:2

In we simnaa a nuun, nuun mbokatax ne no gimu we ngenna kam teeru fee Korint fop, nuun we Yeesu Kiristaa a tedlandna, a xoy a nuun, ndax nu mbog no ten, simnaa itam fop we na ƈufginooraa gon no Yaal in Yeesu Kiristaa fo muu da mbaagna o ndef.

A pi ake 5:31

Roog fa xoox um yoɗun itam, ta moofik na ñamaak um, a dodin o Maad fo o Muumucil, ndax ta ci xeet fee Isra’el da mbes pakaad den a cinj, too a ndaaw a baasan ale.

Yoona 1:9

Yoona a doona a den ee: «O Hebre refum, saɗar o Yaal oxe refna Roog fee na asamaan, sakna o maag ole fa jeeri fee.»

Kolos 1:6

Fa lay feene oxe na nuun, a ref itam na adna fa muum. Kaa rimaa, a maakaa. Neene a reftu refit a ndeer nuun, a xotit no ñaal naa nu eeteena o yegin yirmande Roog, andin ndigil.

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

1 Korint 6:13

Ngaaf taxu o fud, o fud a refan ngaaf, ndaa ƭik ke fop, xan Roog a muuk a den. Njer koy sakanaand ceeq, ndaa kaa refan o Yaal oxe, o Yaal oxe a refanin.

1 Piyeer 1:21

Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.

A cangatin ale 4:35

Nu ci’e boog o nga keene, ndax nu and ee o Yaal oxe doŋ refu Roog, too jegee fa lakas a refangee o ten.

A cangatin ale 4:39

Xaye, andyo too ndam na qoox nuun ee o Yaal oxe refu Roog fee na asamaan, maaga took-ee-took fo took lanq ke, too jegee fa lakas.

Esayi 46:9

Mbetandooxyo cosaan fee nuun no miñu kaa. Mi refu Roog, jegee fa lakas. Mi refu Roog, too jegee faa nandna fa mi.

Yeremi 10:6

O Yaal oxe, dara nandee fa wo. Kaa o magin, too gon of kaa magin, a may katil.

Yeremi 10:7

Ndi an saɗarkeerong, wo o maad oxe no qeet ke? Wo o mat jare o saɗar, yaam a ndeer no yaal-o-and we fop no qeet ke fo no maat den fop o leng nandee fa wo.

YEGIL MBAAX NE YEESU ne Saŋ a bindtuuna 1:10

A qoolaand ale a reeƭa kam adna fee, ndaa ke adna fee a reefandeena no ten fop oo anddiran.