1 Korint 7:37 - NQAARIIT NE ROOG

³⁷ Oxe andoona koy ee kaa bug fo o fud o letu o ƥeem a ñak o doloox, too a hor boo a and ee o ƥeem a ñak o doloox moƴanun, a giñin itam,

1 Korint 7:37 Referans Kwoze

1 Korint 7:36

A soƥangaa yee kaa o kiin a jeg gaci, yaam ne o ƥeem o ndew a faafaa a tolax, fat a ci’tin a tolax, yaam ci’tin a tolax refee o tooñ a Roog. Fat oxuu bugna o dolnirel, a dolnirel.

1 Korint 7:38

oxaaga a fi’a paax. Oxe ci’itna o ƥeem a tolax a fi’a paax, oxe ci’teerna o ƥeem a tolax a fi kaa moƴna o faax.

2 Korint 9:7

Fat oxuu refna a ci’it ke dalna no xeeñ um, too baa ref fo a tagid a ŋooɓu, baa ref itam fo a yiif-a-ƭak, yaam oxe na ci’taa fo o ɗaay soom Roog a bugu.

Dañel 1:8

Dañel o mat kaa fosoox’u tigi yee roɗganditkee a xoox um ñaamel ke fa biiñ fee no maad oxe. A xeɗooxa boog oxe kelfa’’ina cawdiin ke, ndax serkaand o roɗgandit a xoox um ñaamel keene.

1 Korint 7:1

Ndiiki koy, fat i ngar no ke nu mbindaxama. Ke moƴna no koor, refu ta fañ o dolnirel.