1 Korint 7:34 - NQAARIIT NE ROOG

³⁴ A jega njektir ndeer o tew o tolooxu fo o tolooxeer: O tolooxeer oxe, paru no Yaal oxe a misiiraa, a ɗoftaa o ted no cer um fo no yiif um, oxe na dolooxaa o mat, a misiiraa tig adna, a waaƭaa ne ta waagna o fi boo a fel o kor um.

1 Korint 7:34 Referans Kwoze

1 Korint 6:20

Yaam njigand maak nu mbatte. Yaaga koy, fat Roog a waag o jegit o ndam no cer nuun.

Filip 1:20

Kaam cungaa rek, too yaakaaraa yee jegkiim gaci. Feek naa moofum, too boo kili, xan Kiristaa a ɓoxotel o ndam no cer es fa doole, ta ref um sutel kaso mbaat um wartel teen,

2 Korint 11:28

Layiim sax ke yoqna no wargal es bes fuu refna: Kaam gen no jaq yaam pokatax ke no gimu we fop.

O leetar ole Pool a bindna GIMU WE NGENNA ROM 6:13

Ba nu ƥoxot ke mbogna no cer nuun, ndax da njalan bakaad, nen calir kaa na ndimaa njofaƭar. Kaa koy, ndeɓooxyo nuun fa qoox nuun na Roog, nen waa suqtiteena na fa nqon, too a ñoowaa. Ƥoxotyo a Roog itam ke mbogna no cer nuun, da ndefik calir kaa na ndimaa o cofel.

Tiit 3:8

Fa lay feene fa lay fa mbooru yoo. Bugaam o jangin keene, ndax we ngimna na Roog a njofnoox na pi a paax. Keene o mat refu ke faaxna, too a jeg o njiriiñ no wiin we.

1 Tesalonik 5:23

Yaasam Roog fee na ci’taa jam, a mayƭand a nuun fo o tedel. Yaasam ngiin nuun fop: Yiif nuun fo o laaw nuun fo cer nuun a ñak sik, boo yaa o Yaal in Yeesu Kiristaa a nomtooxiidkaa.

2 Korint 8:16

O ngidim a hela a Roog, ten oxe ɓekna kam xeeñ le Tiit o jaflax o leng kut ole i njegna na nuun.

1 Timote 3:5

O kiin a waagangee o ɗox ƥasil um o mat, kaa andiim ne ta waagkaa o ɗoxit mbokatax ne no we ngimna na Roog.

YEGIL MBAAX NE YEESU ne Saŋ a bindtuuna 10:13

O gaylooƥe le, o nanangaa ta ƴufaa, kaa jegoodee paal ke, too ngaaliran lool.

1 Korint 7:33

Oxe dolnireena koy a misiiraa tig adna, a waaƭaa ne ta waagna o fi boo o teem a moƴin o bug.

1 Korint 7:35

Keene koy, a qoox nuun taxu um layan, too refee mbog na caf nuun. Kaam bug soom nu ndam no ke moƴna o saƭik, saaƭoox no Yaal oxe, too mbañ o ngaan no tig lakas.

1 Timote 5:5

Oxe andoona koy ee o ñaaw oxaa yoqna koƭong, too jegee oxaa geenooxuuna yoo, a wara o doon yaakaar um na Roog, a gen ñaal fo o yeng na qeƭ, a xeɗooxaa itam.