1 Korint 7:21 - NQAARIIT NE ROOG

²¹ A jegangaa oxaa reeƭna o paɗ, fat a dam teen, too baa tax ta jegaa a yiif-a-ƭak. Kaa koy, a soƥangaa yee waagaa o jeg xoox of, koo ndok.

1 Korint 7:21 Referans Kwoze

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

1 Korint 12:13

In fop, no Yiif leng kut le i mbatiise’e, ndax i mbog, ndefat njer leng kut na Kiristaa, ta ref o Yaawuur mbaat o tefee o Yaawuur, o paɗ mbaat jaambuur. In fop, no Yiif leng le i yerne.

YEGIL MBAAX NE YEESU ne Lik a bindtuuna 12:29

Ba nu ndef no mbaaƭaa boog kaa nu ñaamna mbaat kaa nu yerna mbaat kaa nu ñirooxna.

1 Piyeer 5:7

Ndiiseenoo kuu waagna o jaaxɗandaa a nuun, yaam ten na teeteelaa a nuun.

Hebre 13:5

Baa o ñoow nuun a haan na baaƭ xaaliis soom. Ndamyo no ke nu njegna rek, yaam Roog kaa lay ee: «Xaƴkiroong muk too deɓkiroong»

Filip 4:11

Refee koy ee soxla es taxu um lay keene, yaam jangaam boo waagat o sawar no ke refuuma.

Filip 4:6

Ba nu nqalam dara! No kuu refna, ndiisyo a Roog coxla nuun, nqeɗaa, nqeɗooxaa, too ngidman itam.

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

YEGIL MBAAX NE YEESU ne Lik a bindtuuna 21:34

«Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun

1 Korint 7:20

Fat oxuu gimna a ref me ta reeƭna yeene o Yaal oxe xoyafuliran no ngim onqe.

1 Korint 7:22

O paɗ oxe o Yaal oxe a mucilna, a jega a xoox um no Yaal oxe, too oxe andoona yee kaa jeg’u a xoox um, Kiristaa a muclangaan, o paɗ um a refataa.