1 Korint 7:18 - NQAARIIT NE ROOG

¹⁸ Ndax a jega oxaa xucooxna yaaga yaam Roog, too a gim ndiiki? Fat a yoq teen. Ndax a jega oxaa gimna, too xucooxee? A refangaa yee a jega, baa xucoox ee yaam Roog.

1 Korint 7:18 Referans Kwoze

A pi ake 15:5

Maaga, leng-leng no gimu we inoor’ina na qaaj ale no Farisiya waa a inooxa, soo a lay ee: «Gimu we ndefeerna Yaawuur kaa mbar o nqucel, too a ngeblel a ndeef kebil ke Moyiis.»

A pi ake 15:28

Yiif Tedu le fa in weeke sax, i ngebooxa yee i ndoxondkee a nuun a toq a lakas, a refangee ale waageerna o ñak o jeg.

A pi ake 15:24

I nana yee leng-leng no we inoorna na in, i ngebleerna tus no kaa farna no keene, owe njom’andaa a nuun, too a ngal’andaa a nuun fo fa lay.

A pi ake 15:19

Cinj kaaga, Saak a doona yee: «Xalaataam ee i mbaree o njom’and we ndefeerna Yaawuur, too a mbug o ngim na Roog.

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

A pi ake 21:21

Weene kaa nan ee kaa o jangnaa Yaawuur we ngenna a ndeer no we ndefeerna Yaawuur, da mbes kebil ke Moyiis a cinj, doon teen layaa yee: Ba nu nquc xa ƥiy nuun, too ba nu ndeef o mbaax onqe nuun!