1 Korint 7:17 - NQAARIIT NE ROOG

¹⁷ No keene fop, fat o kiin oo kiin a ñaaƴ na ƭat ale Roog a halanuuna, a fi ke Roog a xoytuuna itam. Keene heblitum no pokatax ke no gimu we fop.

1 Korint 7:17 Referans Kwoze

1 Korint 4:17

Keene o mat taxu um luliid a Timote me nuun, ten fee refna o ƥees o ngore’u no Yaal oxe. Boo ta garna xan a wetand a nuun me dakuuma fa Kiristaa Yeesu fo ne um jangnitaa a ndeer pokatax ke no gimu we fop.

1 Korint 7:24

Yaaga boog, fog es, fat o kiin oo kiin a damoox no ke ta reeƭna yaaga o Yaal oxe xoyafuliran no ngim onqe.

2 Korint 8:18

In we yoonandtan o pog o cegu o niwel kam pokatax ke no gimu we yaam Yegil mbaax ne ta waare’aa.

2 Korint 11:28

Layiim sax ke yoqna no wargal es bes fuu refna: Kaam gen no jaq yaam pokatax ke no gimu we fop.

1 Korint 7:18

Ndax a jega oxaa xucooxna yaaga yaam Roog, too a gim ndiiki? Fat a yoq teen. Ndax a jega oxaa gimna, too xucooxee? A refangaa yee a jega, baa xucoox ee yaam Roog.

1 Korint 7:7

Ndigil oo, ke moƴan’axama fop a mbi ne fi’uuma, ndaa tanq Roog kaa mbogree. Kaa danqaa oxene kene, oxaana kaana.

1 Korint 14:33

Roog samaree, ndaa jam fa ƥor a refu. Ne ta fi’teel kam pokatax ke no gimu we fop,

Mace 19:12

Yaam kaa jeg mayu kaa andoona yee ten na yaqanaa goor leng we da ngilig. Leng we kaa ndimteel o ñak o waag. A jega itam lakas waa wiin we a yaqna boo mbaagatee, soo yoq we koy a mbañaa ndolnirel yaam Maat ne na asamaan. Fat oxuu waaguuna o jaɓ, a jaɓin.»

1 Korint 16:1

No ke jofna koy no ke na fokataneel tedu we kam Yeerusaleem, kaam bug nu mbi’tan ne laytanuuma pokatax ke no gimu waa no jegel olaa Galati.

1 Korint 10:32

Ba nu ndef a panq no Yaawuur we mbaat no we ndefeerna Yaawuur mbaat no tedu we Roog.

1 Korint 11:16

A soƥangaa koy ee kaa jeg oxaa jaɓeerna keene, fat nu yeg fo and ee na in fo no pokatax ke no gimu we Roog fop, a mbanuu o tew a xeɗaa kaa muxlooxaa.

1 Korint 11:34

Oxuu xeexeena, fat a ñaamit no mbind den soo a garaa, ndax nu qickee hate fee Roog took nuun. Lakas ke koy, xam laytin yaa fadiiduuma.

Galati 1:22

Pokatax kaa ndefna Yudee, too a ndef no Yaal oxe fop mos’iraam o nga.

1 Tesalonik 2:14

Fog es, kaa nu nand ndiiki fo pokatax ke no we ngimna no Yaal oxe Kiristaa Yeesu ndefna kam Yudee. Gentand nuun ŋaƈit a toroxanda a nuun, ne Yaawuur we a toroxandit’ina pokatax keene.

2 Tesalonik 1:4

Ten taxu nu ndefat kañoor in kam pokatax ke no we ngimna na Roog, yaam ne nu njegna o muñ fo o ngim kam ñagadil ke fop fo naqad ke fop na ndalaa took nuun.