1 Korint 7:10 - NQAARIIT NE ROOG

¹⁰ We andoona koy ee a ndolnire, mexe heblaa a den kene, hatee na mi koy, ndaa kebil no Yaal oxe yoo: Baa o tew oxe a xaƴ o kor um.

1 Korint 7:10 Referans Kwoze

Mace 5:32

Mi koy, mexe layaa a nuun ee: Oxuu waasna o teem, too refee yee yaam kaa seeqaa, oxeene kiin a ɓekaan no ceeq. Oxuu giligna o tew o baase itam a seeqa.»

YEGIL MBAAX NE YEESU ne Lik a bindtuuna 16:18

Oxuu waasna o teem, soo a gilig o lakas, a seeqa fo ten, too oxuu giligna o tew o baase, a seeqa itam.»

1 Korint 7:15

O kimeer oxe a bugangaa o tas a las um no ndolnir, a waagaan o fi, fat a tasin, too yaaga oxe gimna, ta ref o koor oxe mbaat o tew oxe, refatee teen dara. Roog kaa mucil a in, ndax i ngen na jam.

Yeremi 3:20

Kaa koy, ne o tew oxe a hodtaa o kor um, neene nu ngodtaxam, nuun mbind Isra’el. Mi o Yaal oxe layun.

1 Korint 7:12

Kene koy refee kebil no Yaal oxe, ndaa kaam bugin o as a nuun, nuun lakas we: A soƥangaa yee o kiin o kimu kaa jeg o tew o kimeer oxaa jaɓna o gen fo ten, baa waasin.

1 Korint 7:25

Jegiim koy kebil inooru no Yaal oxe a jof no roog we fo mbes ke, ndaa xam lay xalaat es, nen oxaa o Yaal oxe a ci’na yirmande boo ta waag o ref gor.

1 Korint 7:6

Kaa ɗoxna a nuun soom bugum, yaam keene binduuma refee kebil.

1 Korint 7:40

Kaa koy a wara o yeg fo and ee baneex um tigi, na xalaat es, refu yee ta ñakat o doloox. Keene xalaat es oo, ndaa gimaam ee Yiif le Roog na ɗoxaa yiif es.

Mark 10:2

Farisiya waa a matiidaan, ndax da ƭeetlooxin. A laamtaan ee: «Ndax o kiin a waaga o waas o teem?»

1 Korint 7:11

A xaƴangaan, baa dolooxanat o lakas. A bugangaa a tolax, fat a xendandoor fo o kor um. Baa o koor o leng a waas o teem itam.