1 Ndiiki koy, fat i ngar no ke nu mbindaxama. Ke moƴna no koor, refu ta fañ o dolnirel.
We andoona yee ndokee no ndolnir fo we rew den a ñakna, na mi, ke moƴna na den refu yee da mbi ne fi’uuma, a mbañat o njeg o tew.
Roog a layaan no ƭaaɗ ole yee: «Andaam kañ ee fo xeeñ xoolu fesoorto, too itam mi xañtong o tooñaam. Ten taxu um xañit o duqin.
Neene a nandu no xaa yoonna fo o tew no kiin o lakas. Oxuu duquuna ñakkaand o xaw.
Haani no qol ole na saxadeel. Fodi a cinj jeefeer we na ngisaatooxaa. Andi yee heblaam dag we mi ndax nduqkirang, too o hoɗomange, fat o ret na xa calag axaa, yer no foofi le da ƈeewiidna.»
Kaa koy, ndax o leng rokkee no ceeq, fat o koor oo koor a jeg o tew, o tew oo tew a jeg o kor.